اقش پرەزيدەنتى دونالد ترامپ رەسەيگە قارسى بۇعان دەيىن ەنگىزىلگەن بىرقاتار سانكتسيالاردىڭ مەرزىمىن تاعى ءبىر جىلعا ۇزارتتى. بۇل سانكتسيالار رەسەيدىڭ ۋكرايناعا قارسى كەڭ اۋقىمدى باسقىنشىلىعىنا بايلانىستى قابىلدانعان، دەپ حابارلايدى “ادىرنا”.
Report اگەنتتىگىنىڭ حابارلاۋىنشا، ءتيىستى قۇجات اقش-تىڭ فەدەرالدىق تىزىمىندە جاريالانعان.
قۇجاتتا ترامپتىڭ: «مەن 13660-شى جارلىقپەن ەنگىزىلگەن ۇلتتىق توتەنشە جاعداي رەجيمىن تاعى ءبىر جىلعا ۇزارتامىن»، – دەگەن ءسوزى كەلتىرىلگەن.
اتالعان رەجيم 2014, 2018 جانە 2022 جىلدارى اقش پرەزيدەنتتەرى قابىلداعان جارلىقتار نەگىزىندە ەنگىزىلگەن رەسەيگە قارسى سانكتسيالاردى ۇزارتۋدى كوزدەيدى. قۇجاتتا اتاپ وتىلگەندەي، ترامپ بۇل شەكتەۋ شارالارى «2026 جىلعى 6 ناۋرىزدان كەيىن دە كۇشىندە قالۋى ءتيىس» دەپ سانايدى.
«وسى جارلىقتاردا ايتىلعان ارەكەتتەر مەن ساياسات اقش-تىڭ ۇلتتىق قاۋىپسىزدىگى مەن سىرتقى ساياساتىنا ءالى دە ەرەكشە ءارى توتەنشە قاۋىپ توندىرۋدە»، – دەلىنگەن اق ءۇي اكىمشىلىگى باسشىسىنىڭ مالىمدەمەسىندە.
ەسكە سالساق، اقش 2014 جىلدىڭ ناۋرىز ايىندا رەسەيدىڭ ۋكرايناعا قارسى ارەكەتتەرىنە بايلانىستى سانكتسيالار ەنگىزە باستاعان ەدى. العاشىندا ءسوز قىرىمنىڭ زاڭسىز اننەكسياسىنا قاتىستى بولدى. كەيىننەن، ترامپتىڭ العاشقى پرەزيدەنتتىك كەزەڭىندە جانە دجو بايدەن اكىمشىلىگى تۇسىندا سانكتسيالار ءتىزىمى بىرنەشە رەت كەڭەيتىلدى.
سانكتسيالار اياسىندا بىرقاتار رەسەيلىك بانكتەر مەن كومپانيالار، ءىرى كاسىپكەرلەر جانە جوعارى لاۋازىمدى تۇلعالار شەكتەۋلەرگە ىلىكتى.
