AQŞ prezidentı Donald Tramp Reseige qarsy būǧan deiın engızılgen bırqatar sanksiialardyŋ merzımın taǧy bır jylǧa ūzartty. Būl sanksiialar Reseidıŋ Ukrainaǧa qarsy keŋ auqymdy basqynşylyǧyna bailanysty qabyldanǧan, dep habarlaidy “Adyrna”.
Report agenttıgınıŋ habarlauynşa, tiıstı qūjat AQŞ-tyŋ Federaldyq tızımınde jariialanǧan.
Qūjatta Tramptyŋ: «Men 13660-şy jarlyqpen engızılgen ūlttyq tötenşe jaǧdai rejimın taǧy bır jylǧa ūzartamyn», – degen sözı keltırılgen.
Atalǧan rejim 2014, 2018 jäne 2022 jyldary AQŞ prezidentterı qabyldaǧan jarlyqtar negızınde engızılgen Reseige qarsy sanksiialardy ūzartudy közdeidı. Qūjatta atap ötılgendei, Tramp būl şekteu şaralary «2026 jylǧy 6 nauryzdan keiın de küşınde qaluy tiıs» dep sanaidy.
«Osy jarlyqtarda aitylǧan äreketter men saiasat AQŞ-tyŋ ūlttyq qauıpsızdıgı men syrtqy saiasatyna älı de erekşe ärı tötenşe qauıp töndırude», – delıngen Aq üi äkımşılıgı basşysynyŋ mälımdemesınde.
Eske salsaq, AQŞ 2014 jyldyŋ nauryz aiynda Reseidıŋ Ukrainaǧa qarsy äreketterıne bailanysty sanksiialar engıze bastaǧan edı. Alǧaşynda söz Qyrymnyŋ zaŋsyz anneksiiasyna qatysty boldy. Keiınnen, Tramptyŋ alǧaşqy prezidenttık kezeŋınde jäne Djo Baiden äkımşılıgı tūsynda sanksiialar tızımı bırneşe ret keŋeitıldı.
Sanksiialar aiasynda bırqatar reseilık bankter men kompaniialar, ırı käsıpkerler jäne joǧary lauazymdy tūlǧalar şekteulerge ılıktı.
