«Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasynyŋ Sätbaev qalalyq müşelerı Jaŋa Konstitusiia jobasyn halyq arasynda tüsındıru jūmystaryn jalǧastyryp jatyr.
Bügın koalisiia ökılderı Sätbaev qalasyndaǧy Qoǧamdyq kelısım KMM ūjymymen kezdesu ötkızdı. Jiyn barysynda konstitusiialyq reformalardyŋ maŋyzy, azamattardyŋ qūqyqtary men mındetterın keŋeituge baǧyttalǧan bastamalar jan-jaqty tüsındırıldı.
Kezdesu formatynda erkın pıkır almasu ūiymdastyrylyp, qatysuşylar tarapynan qoiylǧan saualdarǧa naqty jauaptar berıldı. Koalisiia müşelerı Jaŋa Konstitusiia jobasy el damuynyŋ jaŋa kezeŋıne serpın beretının atap öttı.
Qalalyq koalisiia ökılderınıŋ aituynşa, Jaŋa Konstitusiia jobasynyŋ mänı men maŋyzyn tüsındıruge baǧyttalǧan aqparattyq-tüsındıru jūmystary aldaǧy uaqytta da jalǧasady.
