قازاقستاندىق «Allur» اۆتوكولىك كومپانياسى Qazaq Tili Endowment قورىنا 100 ملن تەڭگە اۋداردى. بۇل تۋرالى قور پرەزيدەنتى راۋان كەنجەحان ايتتى، دەپ حابارلايدى «ادىرنا» ءتىلشىسى.
«بۇل – مەملەكەت باسشىسى قاسىم-جومارت توقاەۆ باستاماسىمەن ۇندەس، قازاق ءتىلىن دامىتۋعا قوسىلعان ناقتى ۇلەس. قازىر Qazaq Tili Endowment قورىنداعى قارجى 703 669 299 تەڭگەگە جەتتى. وسى قاراجات ەسەبىنەن سوڭعى جىلدارى 100-گە جۋىق جوبا مەن ءىس-شارا جۇزەگە اسىرىلدى»،-دەدى ول.
Allur – 22 جىلدان بەرى ەلىمىزدەگى اۆتوكولىك ونەركاسىبىن دامىتىپ كەلە جاتقان جەتەكشى وتاندىق كومپانيا. قازاقستاندىق اۆتونەركاسىپتىڭ جۇيەلى دامۋىنا سەرپىن بەرىپ، ەل ەكونوميكاسىنىڭ ماڭىزدى سالاسىن العا جىلجىتىپ كەلەدى.
«انا ءتىلىمىزدىڭ بولاشاعىنا بەي-جاي قاراماي، قولداۋ كورسەتكەنى ءۇشىن Allur كومپانياسىنىڭ باسشىلىعى مەن ۇجىمىنا شىنايى العىس بىلدىرەمىز!باستامالارىڭىز ءساتتى، ىستەرىڭىز بەرەكەلى بولسىن!»– دەپ تولىقتىردى پرەزيدەنت.
