حالىقارالىق «قازاق ءتىلى» قوعامدىق بىرلەستىگىنىڭ كەزەكتەن تىس قۇرىلتايىندا بىرلەستىكتىڭ جاڭا پرەزيدەنتى بولىپ جۋرناليست، قوعام قايراتكەرى راۋان كەنجەحانۇلى سايلاندى، دەپ حابارلايدى «ادىرنا» ءتىلشىسى.
«مەملەكەت باسشىسى ايتقانداي قازىرگىدەي اقپارات پەن جاڭا تەحنولوگيا قارقىندى دامىپ جاتقان كەزەڭدە قازاق ءتىلىنىڭ ۇلتارالىق جانە حالىقارالىق تىلگە اينالۋىنا قىزمەت ەتۋ كەرەك ەكەنى بەلگىلى. بۇل ورايدا راۋان سەكىلدى ۆيكيپەديانى قازاقشا سويلەتىپ، ادەبيەتىمىزدى الەم تىلدەرىنە اۋدارعان، ءتىلىمىزدىڭ مەرەيىن كوتەرۋ ءۇشىن قىرۋار جوبالار جاساعان بەلگىلى ازاماتتىڭ بۇل قىزمەتتى ابىرويمەن اتقاراتىنا سەنىم مول»،– دەدى اقپارات جانە قوعامدىق دامۋ ءمينيسترى دارحان قىدىرالى.
ايتا كەتەيىك، بۇعان دەيىن بۇل قىزمەتتى ۇلىتاۋ وبلىسىنىڭ اكىمى بەرىك ابدىعاليۇلى اتقارعان ەدى.
