قازاقستاندا «ادىلەت» ساياسي پارتياسى قۇرۋ تۋرالى شەشىم قابىلداندى. استانادا وتكەن پارتيانىڭ قۇرىلتاي سەزىنە 931 دەلەگات قاتىسىپ، داۋىس بەردى. سەزد مودەراتورى قازاقستاندىق قوعام قايراتكەرى، جۋرناليست راۋان كەنجەحان بولدى.
سەزد بارىسىندا پارتيانىڭ باعدارلاماسى مەن جارعىسىن بەكىتۋ بويىنشا داۋىس بەرۋ ءوتتى. «ادىلەت» پارتياسى ءوز قۇندىلىقتارى رەتىندە ادىلەتتىلىك، پاتريوتيزم، جاۋاپكەرشىلىك، ەڭبەكقورلىق جانە دامۋ قاعيداتتارىن جاريالادى. باعدارلامادا «زاڭ مەن ءتارتىپ» قاعيداتى ادىلەتتىلىكتىڭ نەگىزگى تىرەگى رەتىندە كورسەتىلگەن.
سەزد بارىسىندا پارتيا قازاقستانداعى كەز كەلگەن ادال ەڭبەكتىڭ ءادىل ءارى لايىقتى باعالانۋىنا جاعداي جاساۋدى ماقسات ەتكەنىن حابارلادى.
ۇقساس جاڭالىقتار
