استانادا مەملەكەتكە قايتارىلعان "دۋمان" قوناقۇيى وتباسى بانك مەنشىگىنە ءوتتى، دەپ حابارلايدى "ادىرنا" ۇلتتىق پورتالى.
قازتاگ دەرەگىنشە، بۇعان دەيىن اتالعان نىسان داريعا نازارباەۆا ەسىمىمەن بايلانىستىرىلىپ كەلگەن. كەيىن قوناقۇي مەملەكەتكە قايتارىلعان اكتيۆ رەتىندە راسىمدەلىپ، ونى ىسكە اسىرۋ ماقساتىندا بىرنەشە اۋكتسيون ۇيىمداستىرىلعان.
ال قوناق ءۇيدىڭ مەملەكەتكە قايتارىلعانى تۋرالى بايتەرەك ۇلتتىق باسقارۋشى حولدينگى باسقارما توراعاسى رۇستەم قاراعويشين حابارلادى.
ونىڭ ايتۋىنشا، وتكەن ساۋدا-ساتتىقتاردا ۇسىنىلعان باعا مەملەكەتتىك ورگانداردى قاناعاتتاندىرماعان. سوعان بايلانىستى اكتيۆتى ءتيىمدى پايدالانۋ ءۇشىن باسقا شەشىم قاراستىرىلعان. قوناقۇي عيماراتى تەحنيكالىق پارامەترلەرى مەن اۋماعى جاعىنان «وتباسى بانكىنىڭ» قاجەتتىلىكتەرىنە سايكەس كەلگەن. اتاپ ايتقاندا، بانككە ءوز ىشىندە ارنايى ەسەپتەۋ قۋاتتارىن ورنالاستىرۋ مۇمكىندىگى ماڭىزدى بولعان.
حولدينگ باسشىسى «وتباسى بانك» ەل ەكونوميكاسىنداعى جۇيەقۇراۋشى قارجى ينستيتۋتتارىنىڭ ءبىرى ەكەنىن اتاپ ءوتتى. وسىعان بايلانىستى بانكتىڭ استانا قالاسىنا كوشۋى تۋرالى تۇجىرىمدامالىق شەشىم قابىلدانعان.
رەسمي مالىمەتكە سايكەس، «وتباسى بانك» كونكۋرسقا تولىققاندى قاتىسىپ، عيماراتتى ساتىپ العان. مامىلە ناتيجەسىندە تولەنگەن قاراجات مەملەكەتكە اۋدارىلدى. قوناقۇيدىڭ قۇنى نارىقتىق دەڭگەيدە باعالانعان، ال بالانستىق قۇنى مۇنداي مامىلە ءۇشىن جەتكىلىكتى تارتىمدى بولعانى ايتىلدى.
قازىرگى تاڭدا عيماراتتى بانكتىڭ قاجەتتىلىگىنە بەيىمدەۋ جانە ودان ءارى پايدالانۋ بويىنشا جۇمىستار جۇرگىزىلەدى دەپ كۇتىلۋدە.
