ەكس-پرەزيدەنت نۇرسۇلتان نازارباەۆتىڭ قىزى، پارلامەنتتىڭ ەكس-دەپۋتاتى داريعا نازارباەۆا قىلمىستىق اۆتوريتەتتى («ديكي ارمان» لاقاپ اتىمەن اتالعان) ارمان جۇماگەلديەۆتى قورعاپ، ءوزى تۇرمەدەن قۇتقاردى. بۇل تۋرالى مەملەكەت قايراتكەرى - جوعارعى كەڭەس پەن ءماجىلىستىڭ بىرنەشە شاقىرىلىمىنىڭ دەپۋتاتى امالبەك تشان «قازاقستان دەموكراتتارى» YouTube ارناسىنا بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
شىمكەنت اكىمى بولعان امالبەك تشاننىڭ سوزىنشە، ديكي ارمان ونىڭ جيەنىن سوققىعا جىققان.
"ديكي ارمان اسىپ بارا جاتقان ەشكىم ەمەس. قاسىنا ون-ون بەس ادام جيناپ الىپ جۇرگەن ادام وزىنشە باتىر بولادى عوي. 2005-جىلدارى دەپۋتات بولىپ جۇرگەن كەزدە ديكي ارماننىڭ ءىس-ارەكەتىنە كۋا بولعانمىن.
جيەنىم، تۋعان قارىنداسىمنىڭ بالاسىنىڭ اۆتوبازارى بولاتىن. سونى باسقاراتىن. سول جەرگە (ديكي ارمان - ەسك.) كولىگىن ساتايىن دەپ بارعان. (جيەنى - ەسك.) ءوزى ءداۋ جىگىت. سونى بۇلار 4-5 ادام جابىلىپ، ابدەن ۇرىپ، ولەردەي ساباپ تاستاعان. ول كەزدە دەپۋتاتپىن. پروكۋراتۋراعا بەرىپ، ءسويتىپ سول كەزدە قاماتقانبىز", - دەدى ول سۇحباتىندا.
امالبەك تشان وسى جايتقا كەيىن داريعا نازارباەۆا ارالاسىپ، ديكي ارمان بوستاندىققا شىققانىن جەتكىزدى.
"ارتىنشا ديكي ارماندى داريعا نازارباەۆانىڭ تىكەلەي ارالاسۋىمەن شىعارىپ الدى. پارلامەنتتە دە بۇل ماسەلەنى كوتەرگەنمىن. پارلامەنتتە ديكي ارمان بيلىكپەن سىبايلاس بولىپ، وسىنداي تىرلىكتەر ىستەپ جاتقانىنىڭ ءبارىن ايتتىم. ارتىنشا ونى بوساتتى. ونىڭ حاتى بار. مەندە حاتىنىڭ كوشىرمەسى ءالى كۇنگە دەيىن بار.
...ءبارى بولعان وقيعا. سول كەزدەگى بيلىكتىڭ ابدەن كوزىن شەل باسىپ كەتكەن. 2005-2006 جىلدارى باستالعان، ودان بەرى قانشا زامان ءوتتى؟!" - دەدى مەملەكەت قايراتكەرى.
ول پارلامەنتتە «ديكي ارمانعا» جانە ونىڭ بيلىكپەن بايلانىسىنا قاتىستى ماسەلە كوتەرگەنىن اتاپ ءوتتى.
«ەگەر «ديكي ارمان» سياقتى قاراقشىلار بيلىكپەن بايلانىسى بولسا، ءبىز قانداي حالىقپىز؟ بيلىك مۇنداي قاراقشىلاردىڭ سوڭىنان قالسا، اقىرى قايدا بارامىز؟». – دەدى مەملەكەت قايراتكەرى.
سپيكەر وپپوزيتسيالىق جيىنداردىڭ بىرىندە جاسالعان ارانداتۋشىلىقتى ەسكە الدى.
«جاقىن جەردە 15-كە جۋىق ادام جينالىپ، قولدارىنا تاستاردى الىپ، لاقتىردى. سوندا دا ولار كوردى. پوليتسەيلەر جاقىن جەردە تۇردى. ولار بارلىعىن قورشاپ الىپ، تسيرك سياقتى قىلمىستىڭ قالاي جاسالعانىن قىزىعا تاماشالادى. سودان كەيىن بيلىك سوعان باردى. مۇنى ءبارى بىلەدى. ونى دا جۇتىپ قويدىق. سولاي بولۋ كەرەك سياقتى. مەندە داريعا نازارباەۆانىڭ حاتىنىڭ كوشىرمەسى بار. قالاساڭىز، كوشىرمەسىن بولىسە الامىن. سول كەزدە بيلىك سوقىر بولىپ، لايعا باتىپ، وسىنداي بەيادەپ ادامدارمەن ارالاسىپ كەتكەندەي اسەر قالدىرادى. حالىق مۇنىڭ ءبارىن كورىپ، ءتوزىپ وتىردى»، - دەدى تشان.
ەسكە سالايىق، ارمان جۇماگەلديەۆكە قاڭتار وقيعاسىنداعى الماتىداعى تارتىپسىزدىكتەر كەزىندە قاسىندا تۇرعان 24 ادامدى ۇرلادى دەگەن ايىپ تاعىلدى. 2022 جىلدىڭ 2 قىركۇيەگىندە استانادا ۇلتتىق قاۋىپسىزدىك كوميتەتىنىڭ بەسىنشى دەپارتامەنتىنىڭ بۇرىنعى باسشىسى رۋسلان ىسقاقوۆ ۇستالدى. حابارلانعانداي، ارماننىڭ ۇيىمداسقان قىلمىستىق توبىن ۇقك قىزمەتكەرلەرى قاداعالاعان - بۇل اقپارات 2023 جىلدىڭ 5 قاڭتارىندا رەسمي تۇردە راستالعان.
2024 جىلدىڭ 8 اقپانىندا ىشكى ىستەر مينيسترلىگى قاڭتار وقيعاسىنا قاتىستى «ديكي ارمان» ۇيىمداسقان قىلمىستىق توبىنىڭ كۇدىكتى مۇشەلەرى ۇستالعانىن حابارلادى.
