الەۋمەتتىك جەلىلەردە جانە بىرقاتار اقپارات كوزدەرىندە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قىزى داريعا نازارباەۆانىڭ استانا – الماتى باعىتى بويىنشا تۇراقتى جولاۋشىلار رەيسىندە ۇشقانى تۋرالى اقپارات تارادى، دەپ حابارلايدى "ادىرنا" ۇلتتىق پورتالى.
بۇل تۋرالى بلوگەر الىشەر ەلىكباەۆ جازعان. ونىڭ ايتۋىنشا، ول نازارباەۆانى اتالعان باعىتتاعى رەيستىڭ بيزنەس-كلاسىندا كورگەن. بلوگەردىڭ سوزىنشە، ول ۇشۋ كەزىندە ۇيىقتاپ قالىپ، قونۋ الدىندا ويانعاندا جانىنداعى ورىندا داريعا نازارباەۆا وتىرعانىن بايقاعان.
سونداي-اق بلوگەردىڭ مالىمەتىنشە، ونى كۇزەتشى ەرتىپ جۇرگەن. ول كۇزەتشىنى ءوزىنىڭ بويىمەن شامالاس، بىراق دەنەلى ادام رەتىندە سيپاتتاعان.
جەلى قولدانۋشىلارى بۇل اقپاراتقا قاتىستى ءتۇرلى پىكىر قالدىرعان. ولاردىڭ كەيبىرى مۇنى ۇنەمدەۋمەن بايلانىستىرسا، ەندى ءبىرى قاراپايىم رەيستى تاڭداۋى ادەيى كوزگە تۇسپەۋ ماقساتىندا بولۋى مۇمكىن ەكەنىن جازعان. كەي پىكىرلەردە ساياساتپەن بايلانىستى بولجامدار دا ايتىلعان.
ايتا كەتەيىك، داريعا نازارباەۆا 2020 جىلى سەنات توراعاسى قىزمەتىنەن كەتكەن. ال 2022 جىلعى قاڭتار وقيعالارىنان كەيىن ساياسي ساحنادان كورىنبەي كەتتى.
