ۇلتتىق پانتەون تۋرالى ەرەجەگە وزگەرىس ەنگىزىلەدى، دەپ حابارلايدى “ادىرنا ۇلتتىق پورتالى “كازتاگ” اقپاراتتىق اگەنتتىگىنە سىلتەپ.
“پانتەون اۋماعىندا جەرلەۋگە قايتىس (قازا) بولعان مىناداي تۇلعالار جاتادى: قازاقستان رەسپۋبليكاسىنىڭ پرەزيدەنتتەرى جانە ولاردىڭ وتباسىلارىنىڭ مۇشەلەرى; قازاقستان رەسپۋبليكاسىنىڭ پرەمەر-مينيسترلەرى جانە ولاردىڭ ورىنباسارلارى، قازاقستان رەسپۋبليكاسى پارلامەنتى پالاتالارىنىڭ توراعالارى جانە ولاردىڭ ورىنباسارلارى، قازاقستان رەسپۋبليكاسىنىڭ مەملەكەتتىك حاتشىلارى، قازاقستان رەسپۋبليكاسى پرەزيدەنتى اكىمشىلىگىنىڭ باسشىلارى، قازاقستان رەسپۋبليكاسى كونستيتۋتسيالىق كەڭەسىنىڭ، قازاقستان رەسپۋبليكاسى جوعارعى سوتىنىڭ جانە قازاقستان رەسپۋبليكاسى ۇلتتىق بانكىنىڭ توراعالارى; مينيسترلەر، قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، وبلىستاردىڭ، رەسپۋبليكالىق ماڭىزى بار قالانىڭ، استانانىڭ اكىمدەرى «حالىق قاھارمانى»، «قازاقستاننىڭ ەڭبەك ەرى» اتاقتارىنا يە بولعان تۇلعالار; «التىن قىران»، «وتان»، «قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ»، ءۇش دارەجەلى «ەڭبەك داڭقى» وردەندەرىمەن ماراپاتتالعان ازاماتتار; «كەڭەس وداعىنىڭ باتىرى»، «سوتسياليستىك ەڭبەك ەرى» اتاقتارىنا يە بولعان ازاماتتار «قازاقستاننىڭ عارىشكەر-ۇشقىشى» قۇرمەتتى اتاعىنا يە بولعان ازاماتتار; قازاقستان رەسپۋبليكاسى پرەزيدەنتىنىڭ ەرەكشە شەشىمى بويىنشا باسقا دا ازاماتتار; پانتەوندا جەرلەۋگە جاتاتىن تۇلعالارمەن ولاردىڭ كەيىن قايتىس بولعان جۇبايلارى جەرلەنۋى مۇمكىن” دەلىنگەن بولاتىن 2020 جىلعى قابىلدانعان قاۋلى ەرەجەسىندە.
ال ەندىگى قابىلداناتىن جاڭا ەرەجەدە “قازاقستان رەسپۋبليكاسىنىڭ پرەزيدەنتتەرى جانە ولاردىڭ وتباسىلارىنىڭ مۇشەلەرى” پۋنكتى الىنادى.
سونىمەن بىرگە، بيلىك پانتەون اۋماعىندا «ەستەلىك قابىرعاسى» مونۋمەنتى بار مەموريالدىق عيمارات پەن ەستەلىك مۇراجايىن (XX-XXI عاسىرلار) سالۋ جوسپارىنان باس تارتپاقشى.
