Astanada memleketke qaitarylǧan "Duman" qonaqüiı Otbasy bank menşıgıne öttı, dep habarlaidy "Adyrna" ūlttyq portaly.
QazTAG deregınşe, būǧan deiın atalǧan nysan Dariǧa Nazarbaeva esımımen bailanystyrylyp kelgen. Keiın qonaqüi memleketke qaitarylǧan aktiv retınde räsımdelıp, ony ıske asyru maqsatynda bırneşe auksion ūiymdastyrylǧan.
Al qonaq üidıŋ memleketke qaitarylǧany turaly Bäiterek Ūlttyq basqaruşy holdingı basqarma töraǧasy Rüstem Qaraǧoişin habarlady.
Onyŋ aituynşa, ötken sauda-sattyqtarda ūsynylǧan baǧa memlekettık organdardy qanaǧattandyrmaǧan. Soǧan bailanysty aktivtı tiımdı paidalanu üşın basqa şeşım qarastyrylǧan. Qonaqüi ǧimaraty tehnikalyq parametrlerı men aumaǧy jaǧynan «Otbasy bankınıŋ» qajettılıkterıne säikes kelgen. Atap aitqanda, bankke öz ışınde arnaiy esepteu quattaryn ornalastyru mümkındıgı maŋyzdy bolǧan.
Holding basşysy «Otbasy bank» el ekonomikasyndaǧy jüieqūrauşy qarjy instituttarynyŋ bırı ekenın atap öttı. Osyǧan bailanysty banktıŋ Astana qalasyna köşuı turaly tūjyrymdamalyq şeşım qabyldanǧan.
Resmi mälımetke säikes, «Otbasy bank» konkursqa tolyqqandy qatysyp, ǧimaratty satyp alǧan. Mämıle nätijesınde tölengen qarajat memleketke audaryldy. Qonaqüidıŋ qūny naryqtyq deŋgeide baǧalanǧan, al balanstyq qūny mūndai mämıle üşın jetkılıktı tartymdy bolǧany aityldy.
Qazırgı taŋda ǧimaratty banktıŋ qajettılıgıne beiımdeu jäne odan ärı paidalanu boiynşa jūmystar jürgızıledı dep kütılude.
