ماسكەۋ قالالىق سوتى رەسەي قۇرامىنداعى روسكومنادزور مەكەمەسىنە قازتاگ اقپارات اگەنتتىگىنىڭ سايتىن بۇعاتتاۋ تۋرالى تالاپ قويدى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
بۇل شەشىم Freedom Finance كومپانياسىنىڭ نەگىزىن قالاۋشى تيمۋر تۋرلوۆ تۋرالى جاريالانعان ماتەريالدارعا بايلانىستى قابىلدانعان.
سوت قۇجاتتارىنا سايكەس، ادەبي ماتەريالدارعا اۆتورلىق قۇقىقتى قورعاۋ ماقساتىندا الدىن الا قامتاماسىز ەتۋ شارالارى قولدانىلعان. اتالعان تالاپ ارىزدى دورينا دانيلوۆا بەرگەن. ول بىرقاتار ماقالالاردىڭ اۆتورلىعىن وزىنە تىركەگەن.
الايدا قازتاگ رەداكتسياسىنىڭ مالىمەتىنشە، سوت شەشىمىندە كورسەتىلگەن ماتەريالداردىڭ ءبىر بولىگى اگەنتتىككە تيەسىلى. اتاپ ايتقاندا، تۋرلوۆ تۋرالى ماقالا زاڭگەر سۆەتلانا ورالباەۆاعا سىلتەمە جاساپ جاريالانعان. رەداكتسيا سوت شەشىمى دانيلوۆانىڭ اۆتورلىققا قاتىستى مالىمدەمەلەرىنە نەگىزدەلگەنىن ايتادى.
بۇعان دەيىن اگەنتتىك رەسەي سوتتارىنا بەرىلگەن تالاپ-ارىزداردىڭ ارتىندا دانيلوۆا تۇرعانىن حابارلاعان. سونداي-اق ول تۋرلوۆ تۋرالى جاريالانعان ماتەريالداردى بۇعاتتاۋ باعىتىندا جۇمىس ىستەپ جاتقانى ايتىلعان.
