Mäskeu qalalyq soty Resei qūramyndaǧy Roskomnadzor mekemesıne QazTAG aqparat agenttıgınıŋ saityn būǧattau turaly talap qoidy, dep habarlaidy "Adyrna" ūlttyq portaly QazTAG-qa sıltep.
Būl şeşım Freedom Finance kompaniiasynyŋ negızın qalauşy Timur Turlov turaly jariialanǧan materialdarǧa bailanysty qabyldanǧan.
Sot qūjattaryna säikes, ädebi materialdarǧa avtorlyq qūqyqty qorǧau maqsatynda aldyn ala qamtamasyz etu şaralary qoldanylǧan. Atalǧan talap aryzdy Dorina Danilova bergen. Ol bırqatar maqalalardyŋ avtorlyǧyn özıne tırkegen.
Alaida QazTAG redaksiiasynyŋ mälımetınşe, sot şeşımınde körsetılgen materialdardyŋ bır bölıgı agenttıkke tiesılı. Atap aitqanda, Turlov turaly maqala zaŋger Svetlana Oralbaevaǧa sılteme jasap jariialanǧan. Redaksiia sot şeşımı Danilovanyŋ avtorlyqqa qatysty mälımdemelerıne negızdelgenın aitady.
Būǧan deiın agenttık Resei sottaryna berılgen talap-aryzdardyŋ artynda Danilova tūrǧanyn habarlaǧan. Sondai-aq ol Turlov turaly jariialanǧan materialdardy būǧattau baǧytynda jūmys ıstep jatqany aitylǧan.
