ماڭعىستاۋ وبلىسى مۇنايلى اۋدانىنىڭ باسقۇدىق اۋىلىندا ەكپىندى جەلدىڭ سالدارىنان ساۋدا ورتالىعىنىڭ شاتىرى قيرادى. وقيعا ورنىندا ءوڭىردىڭ ارنايى قىزمەتتەرى جۇمىس ىستەۋدە. بۇل تۋرالى Lada.kz جازدى، دەپ حابارلايدى "ادىرنا".
وڭىرلىك تج دەپارتامەنتىنىڭ مالىمەتىنشە، ەكپىندى جەلدىڭ سالدارىنان باسقۇدىق اۋىلىندا ەكى قاباتتى «باقجان» ساۋدا ورتالىعىندا شاتىر ۇشىپ كەتكەن.
جەلدىڭ جىلدامدىعى سەكۋندىنا 8-14 مەتردى قۇرادى، اۋا رايى بۇلتتى، جاۋىن-شاشىنسىز. زاقىمدالعان شاتىردىڭ اۋدانى شامامەن 100 شارشى مەتردى قۇرادى. عيماراتتىڭ جالپى اۋدانى – 612 شارشى مەتر.
«وقيعا تۇراققا قويىلعان ەكى كولىك جانە ءبىر سىرتقى جارىقتاندىرۋ باعاناسى زاقىمداندى. قۇرباندار مەن زارداپ شەككەندەر جوق. وبەكتىلەر شتاتتىق رەجيمدە جۇمىس ىستەيدى»، – دەپ ءتۇسىندىردى ۆەدومستۆودا.
وقيعا ورنىنا تجد كۇشتەرى، اتاپ ايتقاندا، جەكە قۇرامنىڭ بەس قىزمەتكەرى جانە ەكى ارنايى تەحنيكا جەتتى
