جەكپە-جەك الەمىندەگى ەڭ بەدەلدى باپكەرلەردىڭ ءبىرى، قازاقستاندىق كيكبوكسينگ اڭىزى، كسرو قۇراماسىن باسقارعان جالعىز قازاق سابىرجان ماحمەتوۆ ومىردەن ءوتتى. قارالى حاباردى جۋرناليست قانات ەسكەندىر جەتكىزدى، دەپ حابارلايدى «ادىرنا» ءتىلشىسى.
ء«بىر زاماننىڭ باتىر ۇلى ەدى... بۇل كىسى دە كەلمەستىڭ كەمەسىنە ءمىندى دەگەن سۋىق حابار جەتتى... باقۇل بولىڭىز، سابىرجان اعا…»— دەپ جازدى ول.
ايتا كەتەيىك، سابىرجان ماحمەتوۆ «جەكپە-جەك» فەدەراتسياسىنىڭ پرەزيدەنتى قىزمەتىن اتقارعان. قازاق كيكبوكسينگىنىڭ مارتەبەسىن اسقاقتاتقان سپورتشى 90-شى جىلدارى بەدەلدى رەكەتيردىڭ ءبىرى بولعان. ءوز سوزىندە ول قىلمىس الەمىندە بيلىك ەتۋ ءۇشىن ەمەس، قازاق جەرىن كەلىمسەكتەردەن قورعاۋ ءۇشىن ارەكەتتەنگەنىن ايتقان. سويتە تۇرا، پوليتسيا تاراپىنان «بوپسالاۋشى» دەگەن ايىپ تاعىلىپ، 7 جىلعا تۇرمەگە توعىتىلىپ، سونىڭ 6 جىلىن اباقتىدا وتكىزگەن.
