Jekpe-jek älemındegı eŋ bedeldı bapkerlerdıŋ bırı, qazaqstandyq kikboksing aŋyzy, KSRO qūramasyn basqarǧan jalǧyz qazaq Sabyrjan Mahmetov ömırden öttı. Qaraly habardy jurnalist Qanat Eskendır jetkızdı, dep habarlaidy «Adyrna» tılşısı.
«Bır zamannyŋ batyr ūly edı... Būl kısı de kelmestıŋ kemesıne mındı degen suyq habar jettı... Baqūl bolyŋyz, Sabyrjan aǧa…»— dep jazdy ol.
Aita keteiık, Sabyrjan Mahmetov «Jekpe-jek» federasiiasynyŋ prezidentı qyzmetın atqarǧan. Qazaq kikboksingınıŋ märtebesın asqaqtatqan sportşy 90-şy jyldary bedeldı reketirdıŋ bırı bolǧan. Öz sözınde ol qylmys älemınde bilık etu üşın emes, qazaq jerın kelımsekterden qorǧau üşın ärekettengenın aitqan. Söite tūra, polisiia tarapynan «bopsalauşy» degen aiyp taǧylyp, 7 jylǧa türmege toǧytylyp, sonyŋ 6 jylyn abaqtyda ötkızgen.
