قازاقستاندا جاڭا كونستيتۋتسيا جوباسىن تۇسىندىرۋگە ارنالعان اۋقىمدى اقپاراتتىق مارافون وتەدى، دەپ حابارلايدى “ادىرنا” ۇلتتىق پورتالى.
اتالعان ءىس-شارا جاڭا كونستيتۋتسيا جوباسىن جان-جاقتى تۇسىندىرۋگە باعىتتالعان اشىق اقپاراتتىق الاڭ بولماق. ۇيىمداستىرۋشىلاردىڭ مالىمەتىنشە، مارافون 6 ساعاتقا سوزىلادى.
باستالۋى ساعات 12:00-گە جوسپارلانعان.
شارا بارىسىندا 100-گە جۋىق ساراپشى، زاڭگەرلەر، قوعام بەلسەندىلەرى مەن مەملەكەت قايراتكەرلەرى ءسوز سويلەپ، ۇسىنىلىپ وتىرعان وزگەرىستەر مەن تولىقتىرۋلار توڭىرەگىندە پىكىر بىلدىرەدى. قاتىسۋشىلار جاڭا نورمالاردىڭ ماڭىزى، ولاردىڭ ەلدىڭ ساياسي جانە قۇقىقتىق جۇيەسىنە ىقپالى تۋرالى تالقىلايدى.
سونىمەن قاتار مارافون رەسپۋبليكالىق تەلەارنالار ارقىلى، سونداي-اق ينتەرنەت-پورتالداردىڭ YouTube جانە Facebook جەلىلەرىندەگى رەسمي پاراقشالارىندا تىكەلەي ەفيردە كورسەتىلەدى.
ۇيىمداستىرۋشىلاردىڭ ايتۋىنشا، مۇنداي فورمات حالىققا كونستيتۋتسيا جوباسىنداعى وزگەرىستەردى كەڭىنەن تۇسىندىرۋگە جانە اشىق پىكىر الماسۋعا مۇمكىندىك بەرەدى.
