پاۆلودار وبلىسىندا كورشى ورنالاسقان ەكى ۇيدەن ۇزاق ۋاقىت بويى جاتقان ەكى ادامنىڭ ءمايىتى تابىلدى. قازىرگى ۋاقىتتا پوليتسيا قىزمەتكەرلەرى تەرگەۋ امالدارىن جۇرگىزىپ جاتىر، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
بۇل تۋرالى جەرگىلىكتى پابليكتەر جازعان. مالىمەتتەرگە سايكەس، مايىتتەر مايقايىڭ كەنتىنەن تابىلعان.
الدىن الا دەرەكتەر بويىنشا، تابىلعان ادامداردىڭ ءبىرىنىڭ قايتىس بولعانىنا شامامەن ەكى جىل، ال ەكىنشىسىنىڭ كوز جۇمعانىنا بىرنەشە اي بولعان بولۋى مۇمكىن.
وقيعاعا قاتىستى اقپاراتتى پاۆلودار وبلىسىنىڭ پوليتسيا دەپارتامەنتى راستادى. ۆەدومستۆو مالىمەتىنشە، اتالعان دەرەك بويىنشا قىلمىستىق ءىس قوزعالىپ، بارلىق قاجەتتى تەرگەۋ ارەكەتتەرى جۇرگىزىلۋدە.
جەرگىلىكتى تۇرعىنداردىڭ ايتۋىنشا، مايىتتەردىڭ ءبىرى قارت ايەلدىڭ ۇيىنەن، ەكىنشىسى كورشى ۇيدەن تابىلعان. ولاردىڭ بولجامىنشا، كوز جۇمعاندار – ايەلدىڭ تۋىستارى، ياعني قىزى مەن كۇيەۋى بولۋى مۇمكىن. الايدا بۇل اقپارات ازىرگە رەسمي تۇردە راستالعان جوق.
تۇرعىندار وتباسىنىڭ تۇيىق ءومىر سالتىن ۇستانعانىن، بوتەن ادامداردى ۇيىنە كىرگىزبەگەنىن ايتادى. قارت ايەلمەن بىرگە كامەلەتكە تولماعان نەمەرەسى تۇرعان.
