Pavlodar oblysynda körşı ornalasqan ekı üiden ūzaq uaqyt boiy jatqan ekı adamnyŋ mäiıtı tabyldy. Qazırgı uaqytta polisiia qyzmetkerlerı tergeu amaldaryn jürgızıp jatyr, dep habarlaidy "Adyrna" ūlttyq portaly Tengrinews.kz-ke sıltep.
Būl turaly jergılıktı pablikter jazǧan. Mälımetterge säikes, mäiıtter Maiqaiyŋ kentınen tabylǧan.
Aldyn ala derekter boiynşa, tabylǧan adamdardyŋ bırınıŋ qaitys bolǧanyna şamamen ekı jyl, al ekınşısınıŋ köz jūmǧanyna bırneşe ai bolǧan boluy mümkın.
Oqiǧaǧa qatysty aqparatty Pavlodar oblysynyŋ polisiia departamentı rastady. Vedomstvo mälımetınşe, atalǧan derek boiynşa qylmystyq ıs qozǧalyp, barlyq qajettı tergeu äreketterı jürgızılude.
Jergılıktı tūrǧyndardyŋ aituynşa, mäiıtterdıŋ bırı qart äieldıŋ üiınen, ekınşısı körşı üiden tabylǧan. Olardyŋ boljamynşa, köz jūmǧandar – äieldıŋ tuystary, iaǧni qyzy men küieuı boluy mümkın. Alaida būl aqparat äzırge resmi türde rastalǧan joq.
Tūrǧyndar otbasynyŋ tūiyq ömır saltyn ūstanǧanyn, böten adamdardy üiıne kırgızbegenın aitady. Qart äielmen bırge kämeletke tolmaǧan nemeresı tūrǧan.
