قىرعىزستاننىڭ ۇلتتىق قاۋىپسىزدىك مەملەكەتتىك كوميتەتىنىڭ (ۇقمك) باسشىسى قامشىبەك تاشيەۆتىڭ وتستاۆكاعا كەتۋ شەشىمى مەملەكەتتىڭ تىنىشتىعى ءۇشىن قابىلدانعان. بۇل تۋرالى ەل پرەزيدەنتى سادىر جاپاروۆ كابار اگەنتتىگىنە بەرگەن سۇحباتىندا ايتتى، دەپ حابارلايدى "ادىرنا".
ء«بىزدىڭ دوستىعىمىز ساقتالۋدا. تاشيەۆتىڭ وتستاۆكاعا كەتۋ شەشىمى مەملەكەتتىڭ تىنىشتىعى مەن حالىق اراسىنداعى كەلىسىم ءۇشىن قابىلداندى. ونى قىزمەتىنەن بوساتپاس بۇرىن مەن دوسىما تەلەفون سوعىپ، جاعدايدى ءتۇسىندىردىم. وسىنداي جىلدام شەشىم ارقىلى مەن ونى وزىنە دە زيان تيگىزۋدەن قورعادىم. سەبەبى، ونىڭ اينالاسىنداعى ادامدار ونى دۇرىس جولدان اداستىردى»، - دەدى جاپاروۆ.
پرەزيدەنتتىڭ ايتۋىنشا، ۇقمك باسشىسىنىڭ وتستاۆكاعا كەتۋىنىڭ سەبەبى – كەيبىر ساياساتكەرلەردىڭ پارلامەنتتەگى دەپۋتاتتاردى "تاشيەۆتىڭ كومانداسى" مەن "مەملەكەت باسشىسىنىڭ كومانداسى" دەپ ءبولىپ الۋ ارەكەتى بولعان.
ء«بارى جوگوركۋ كەنەشتەن (پارلامەنتتەن) باستالدى. كەي دەپۋتاتتىق توپتار دەپۋتاتتاردى شاقىرىپ، «سەن گەنەرالدىڭ جاعىنداسىڭ با، الدە پرەزيدەنتتىڭ جاعىنداسىڭ با» دەپ بولىسە باستادى. ەگەر مەن جەدەل ءارى ناقتى شارا قابىلداماسام، بۇل ءبولىنىس قاراپايىم حالىققا دا اسەر ەتۋى مۇمكىن ەدى. سوندىقتان مەن وسىنداي شەشىم قابىلداۋعا ءماجبۇر بولدىم»، - دەدى جاپاروۆ.
ەستەرىڭىزگە سالا كەتەيىك، 10 اقپاندا جاپاروۆ 2020 جىلعى قازاننان بەرى وسى قىزمەتتى اتقارىپ كەلگەن قامشىبەك تاشيەۆتى وتستاۆكاعا جىبەرگەن.
