قىرعىزستان مينيسترلەر كابينەتىنىڭ توراعاسى ادىلبەك قاسىماليەۆ بىرىككەن اراب امىرلىكتەرىندە ورنالاسقان Epos Water Production LLC سۋ ءوندىرۋ زاۋىتىندا بولدى، دەپ حابارلايدى "ادىرنا" ۇلتتىق پورتالى.
بۇل تۋرالى قىرعىزستان ۇكىمەتىنىڭ ءباسپاسوز قىزمەتى حابارلادى.
ساپار بارىسىندا قاسىماليەۆ كاسىپورىننىڭ وندىرىستىك تسەحتارى مەن تەحنولوگيالىق جەلىلەرىن ارالاپ كوردى. اتالعان كومپانيا بوتەلكەلەنگەن اۋىز سۋ مەن سۋسىندار وندىرۋمەن جانە قۇيۋمەن اينالىسادى. زاۋىتتىڭ وندىرىستىك قۋاتى تاۋلىگىنە 50 مىڭ بوتەلكەگە دەيىن جەتەدى. كاسىپورىن زاماناۋي قۇيۋ جەلىلەرىمەن جانە سۋدى كوپساتىلى تازارتۋ جۇيەسىمەن جابدىقتالعان.
قىرعىزستان پرەمەرىنىڭ ايتۋىنشا، ءباا نارىعى الەمدەگى ەڭ قارقىندى دامىپ جاتقان نارىقتاردىڭ ءبىرى سانالادى. ونىڭ پىكىرىنشە، قىرعىز كومپانياسىنىڭ بۇل نارىققا شىعۋى ۇلتتىق بيزنەستىڭ باسەكەگە قابىلەتتىلىگى مەن دامىعانىن كورسەتەدى.
ساپار اياسىندا تاراپتار سۋ دايىنداۋ تەحنولوگيالارى، اۋىز سۋ ءوندىرىسى سالاسىنداعى وزىق تاجىريبەلەر، سونداي-اق ءوزارا ىنتىماقتاستىق پەن تاجىريبە الماسۋ مۇمكىندىكتەرىن تالقىلادى.
