Qyrǧyzstan ministrler kabinetınıŋ töraǧasy Ädılbek Qasymaliev Bırıkken Arab Ämırlıkterınde ornalasqan Epos Water Production LLC su öndıru zauytynda boldy, dep habarlaidy "Adyrna" ūlttyq portaly.
Būl turaly Qyrǧyzstan ükımetınıŋ baspasöz qyzmetı habarlady.
Sapar barysynda Qasymaliev käsıporynnyŋ öndırıstık sehtary men tehnologiialyq jelılerın aralap kördı. Atalǧan kompaniia bötelkelengen auyz su men susyndar öndırumen jäne qūiumen ainalysady. Zauyttyŋ öndırıstık quaty täulıgıne 50 myŋ bötelkege deiın jetedı. Käsıporyn zamanaui qūiu jelılerımen jäne sudy köpsatyly tazartu jüiesımen jabdyqtalǧan.
Qyrǧyzstan premerınıŋ aituynşa, BAÄ naryǧy älemdegı eŋ qarqyndy damyp jatqan naryqtardyŋ bırı sanalady. Onyŋ pıkırınşe, qyrǧyz kompaniiasynyŋ būl naryqqa şyǧuy ūlttyq biznestıŋ bäsekege qabılettılıgı men damyǧanyn körsetedı.
Sapar aiasynda taraptar su daiyndau tehnologiialary, auyz su öndırısı salasyndaǧy ozyq täjıribeler, sondai-aq özara yntymaqtastyq pen täjıribe almasu mümkındıkterın talqylady.
