الماتى وبلىسىنداعى شارىن مەملەكەتتىك ۇلتتىق تابيعي پاركىندە سيرەك كەزدەسەتىن تاس سۋسارى فوتوتۇزاققا ءتۇسىپ قالدى، دەپ حابارلايدى "ادىرنا" ۇلتتىق پورتالى.
بۇل تۋرالى پارك قىزمەتكەرلەرى حابارلادى.
مالىمەتكە سايكەس، قىزمەتكەرلەر 2026 جىلعى 6 اقپاندا 2025 جىلى تۇسىرىلگەن فوتوتۇزاق كادرلارىمەن بولىسكەن. تەمىرلىك ۋچاسكەسىندە ورناتىلعان قۇرىلعى قىزىل كىتاپقا ەنگەن جىرتقىش – تاس سۋسارىن تىركەگەن.
مامانداردىڭ ايتۋىنشا، تاس سۋسارى – تاۋلى جانە جارتاستى ايماقتاردى مەكەندەيتىن ەپتى ءارى ساق جىرتقىش سۇتقورەكتى. ول نەگىزىنەن تۇنگى ۋاقىتتا بەلسەندى بولادى. جانۋار كەمىرگىشتەرمەن، ۇساق قۇستارمەن، جاندىكتەرمەن جانە وسىمدىكتەردىڭ جەمىستەرىمەن قورەكتەنەدى.
عالىمدار تاس سۋسارى تابيعي تەپە-تەڭدىكتى ساقتاۋدا ماڭىزدى ءرول اتقاراتىنىن اتاپ ءوتتى. اتاپ ايتقاندا، ول زياندى كەمىرگىشتەردىڭ سانىن رەتتەۋگە كومەكتەسەدى.
مامانداردىڭ ايتۋىنشا، ۇلتتىق پارك اۋماعىندا مۇنداي جانۋارلاردىڭ بولۋى ەكوجۇيەنىڭ ساۋلىعىن كورسەتەتىن ماڭىزدى كورسەتكىشتەردىڭ ءبىرى سانالادى.
