Almaty oblysyndaǧy Şaryn memlekettık ūlttyq tabiǧi parkınde sirek kezdesetın tas susary fototūzaqqa tüsıp qaldy, dep habarlaidy "Adyrna" ūlttyq portaly.
Būl turaly park qyzmetkerlerı habarlady.
Mälımetke säikes, qyzmetkerler 2026 jylǧy 6 aqpanda 2025 jyly tüsırılgen fototūzaq kadrlarymen bölısken. Temırlık uchaskesınde ornatylǧan qūrylǧy Qyzyl kıtapqa engen jyrtqyş – tas susaryn tırkegen.
Mamandardyŋ aituynşa, tas susary – tauly jäne jartasty aimaqtardy mekendeitın eptı ärı saq jyrtqyş sütqorektı. Ol negızınen tüngı uaqytta belsendı bolady. Januar kemırgıştermen, ūsaq qūstarmen, jändıktermen jäne ösımdıkterdıŋ jemısterımen qorektenedı.
Ǧalymdar tas susary tabiǧi tepe-teŋdıktı saqtauda maŋyzdy röl atqaratynyn atap öttı. Atap aitqanda, ol ziiandy kemırgışterdıŋ sanyn retteuge kömektesedı.
Mamandardyŋ aituynşa, ūlttyq park aumaǧynda mūndai januarlardyŋ boluy ekojüienıŋ saulyǧyn körsetetın maŋyzdy körsetkışterdıŋ bırı sanalady.
