قوستاناي وبلىسىنىڭ دالالى ايماقتارىندا قىزىل كىتاپقا ەنگەن سيرەك قىزعالداق ءتۇرى گۇلدەدى، دەپ حابارلايدى "ادىرنا" ۇلتتىق پورتالى.
بۇل تۋرالى ناۋرىزىم مەملەكەتتىك تابيعي قورىعى مالىمدەدى.
قورىق ماماندارىنىڭ ايتۋىنشا، نازىك وسىمدىك تومەن قاراي يىلگەن گۇلدەرىمەن ەرەكشەلەنەدى جانە تابيعاتتا سيرەك كەزدەسەتىن تۇرلەردىڭ قاتارىنا جاتادى. قىزعالداق نەگىزىنەن دالالىق جانە شولەيت ايماقتاردا ءوسىپ، ەرتە كوكتەمدە گۇلدەپ، تابيعي لاندشافتقا ەرەكشە كورىك بەرەدى.
ەكولوگتار بۇل وسىمدىكتىڭ مەملەكەت قورعاۋىندا ەكەنىن اتاپ ءوتىپ، ونى جۇلۋعا قاتاڭ تىيىم سالىنعانىن ەسكەرتتى. سونداي-اق ماماندار تۇرعىنداردى تابيعاتقا ۇقىپتى قاراۋعا جانە سيرەك كەزدەسەتىن وسىمدىك تۇرلەرىن ساقتاۋعا شاقىردى.
ۇقساس جاڭالىقتار
