قىزىل كىتاپتاعى اققۋدى اتقان اڭشىلاردى اقمولا پوليتسيا قىزمەتكەرلەرى ۇستادى، دەپ حابارلايدى "ادىرنا" سايتى قر ءىىم سايتىنا سىلتەمە جاساپ.
7 قازاندا ەگىندىك روب كەزەكشى ستانتسياسىندا اۋماقتىق ورمان شارۋاشىلىعى قىزمەتكەرىنىڭ تەلەفون قوڭىراۋى قابىلداندى. ەر ادام بەلگىسىز تۇلعالاردىڭ «جۇلدىز» اڭشىلىق شارۋاشىلىعى اۋماعىندا زاڭسىز اڭشىلىقپەن اينالىسقانىن حابارلادى.
وقيعا ورنىنا دەرەۋ جەتكەن پوليتسيا قىزمەتكەرلەرى نۇر-سۇلتان قالاسىنىڭ 41 جانە 42 جاستاعى ەكى تۇرعىنىن انىقتادى. وقيعا ورنىن قاراۋ كەزىندە پوليتسەيلەر ءبىر اققۋدىڭ ولىگىن، ۇستالعاندارعا تىركەلگەن ەكى مىلتىقتى، پاترونداردى، 60-تان استام پاتروندى جانە ءباندوليتتى تاركىلەدى.
الدىن الا كەلتىرىلگەن زالال - 5 ميلليون 250 مىڭ تەڭگە. قازىرگى ۋاقىتتا زاڭسىز اڭشىلىق فاكتىسى بويىنشا تەرگەۋ ءبولىمى 2-باپ بويىنشا سوتقا دەيىنگى ءىس جۇرگىزۋدى باستادى. ساراپتاما تاعايىندالدى.
بۇل قۇستى اۋلاۋعا، اتۋعا ايماقتا تىيىم سالىنعان. اققۋ سيرەك كەزدەسەتىن جانە قۇرىپ كەتۋ قاۋپى تونگەن قۇستار تىزىمىنە جاتادى جانە سانى ازايىپ بارا جاتقان ءتۇر رەتىندە قازاقستان رەسپۋبليكاسىنىڭ قىزىل كىتابىنا ەنگىزىلگەن.
"ادىرنا" ۇلتتىق پورتالى
