بۇگىن، 6 اقپاندا يسلاماباد ورتالىعىنداعى مەشىتتە قۋاتتى جارىلىس بولىپ، 30-دان استام ادامنىڭ ءومىرىن قيدى، دەپ حابارلايدى “ادىرنا”.
Dawn.com مالىمەتىنشە، جارىلىس استانانىڭ تارلاي اۋدانىنداعى مەشىتتەردىڭ بىرىندە بولدى.
«يمام بارگاح مەشىتىندە جۇما نامازى كەزىندە بولعان جارىلىس سالدارىنان كەمىندە 31 ادام قازا تاۋىپ، 169 ادام جارالاندى»، – دەدى اۋدان اكىمشىلىگىنىڭ وكىلى.
جارىلىس ورنى تولىقتاي قاۋىپسىزدىك قىزمەتى قىزمەتكەرلەرىمەن قورشالعان.
پوليتسيا وكىلى تاكي دجاۆاد بارلىق بەلگىلەردىڭ ءوزىن-ءوزى جارعان تەرروريستتىڭ ءىسى ەكەنىن كورسەتەتىنىن ايتتى.
زارداپ شەككەندەر جەتكىزىلگەن اۋرۋحانالاردا توتەنشە جاعداي رەجىمى ەنگىزىلىپ، جەرگىلىكتى تۇرعىندارعا قان تاپسىرۋعا شاقىرۋ جاسالدى.
سونداي-اق، باسىلىم حابارلاعانداي، شابۋىل وزبەكستان پرەزيدەنتى شاۆكات ميرزياەۆتىڭ ەكى كۇندىك رەسمي ساپارى كەزىندە بولعان.
پارلامەنت ىستەرى ءمينيسترى تاريك فازال چاۋدحري جارىلىستى ايىپتاپ، قازا تاپقانداردىڭ وتباسىلارىنا كوڭىل ايتتى.
