Bügın, 6 aqpanda İslamabad ortalyǧyndaǧy meşıtte quatty jarylys bolyp, 30-dan astam adamnyŋ ömırın qidy, dep habarlaidy “Adyrna”.
Dawn.com mälımetınşe, jarylys astananyŋ Tarlai audanyndaǧy meşıtterdıŋ bırınde boldy.
«İmam Bargah meşıtınde jūma namazy kezınde bolǧan jarylys saldarynan kemınde 31 adam qaza tauyp, 169 adam jaralandy», – dedı audan äkımşılıgınıŋ ökılı.
Jarylys orny tolyqtai qauıpsızdık qyzmetı qyzmetkerlerımen qorşalǧan.
Polisiia ökılı Taki Djavad barlyq belgılerdıŋ özın-özı jarǧan terroristtıŋ ısı ekenın körsetetının aitty.
Zardap şekkender jetkızılgen auruhanalarda tötenşe jaǧdai rejımı engızılıp, jergılıktı tūrǧyndarǧa qan tapsyruǧa şaqyru jasaldy.
Sondai-aq, basylym habarlaǧandai, şabuyl Özbekstan prezidentı Şavkat Mirziiaevtıŋ ekı kündık resmi sapary kezınde bolǧan.
Parlament ısterı ministrı Tarik Fazal Chaudhri jarylysty aiyptap, qaza tapqandardyŋ otbasylaryna köŋıl aitty.
