Belgılı dıntanuşy, teolog Nūrlan qajy Baijıgıtūly Vaşingtonda AQŞ prezidentı Donald Tramptyŋ qatysuymen ötken dästürlı qaiyrymdylyq ıs-şaraǧa bardy. Būl turaly imam äleumettık jelıdegı paraqşasynda jazdy, dep habarlaidy "Adyrna".
Onyŋ aituynşa, şaraǧa Donald Tramptyŋ özı qatysyp, älemnıŋ är tükpırınen kelgen ekı myŋǧa juyq tūlǧa bas qosqan.
Nūrlan imam būl jiynnyŋ erekşe maŋyzǧa ie ekenın atap ötıp, jastardyŋ bılım men ǧylymǧa, örkeniet pen mädenietke ūmtyluy qajet ekenın jetkızdı.
«Amerika Qūrama Ştattarynyŋ astanasy Vaşingtonda ädettegı 74-şı Taŋǧy As räsımıne keldım. AQŞ-prezidentı Tramp myrza özı qatysatyn as ekı myŋdai älem tūlǧalaryn jinaityn būl erekşe jiyn. Jastarymyz bılım men ǧylym, örkeniet pen mädenietke ūmtylyp, imandylyqpen ūştasqan saltymyzdy bekem ūstansa,alar asuy şyŋdar bolyp, jahannyŋ talai esıkterı aşylatyny aqiqat», – dep jazdy imam.
Eske salsaq, 2024 jyly aqpan aiynda da AQŞ prezidentınıŋ qatysuymen Aq üide qaiyrymdylyq asy ötken bolatyn. Halyqaralyq şaraǧa Qazaqstannan Nūrlan qajy Baijıgıtūly qatysqan edı.
