فوتو:اFP VIA GETTY IMAGES
اقش-تىڭ شەكارالىق پاترۋل قىزمەتىنىڭ (USBP) قىزمەتكەرلەرى سەنبى كۇنى ميننەاپوليس قالاسىندا 37 جاستاعى اقش ازاماتى الەكس پرەتتيدى اتىپ ءولتىردى. وقيعا يمميگراتسيا جانە كەدەن قىزمەتى (ICE) قىزمەتكەرى رەنە گۋدتىڭ ولىمىنەن كەيىن ءۇش اپتاعا جەتپەي ورىن الىپ، قالادا جاڭا نارازىلىق تولقىنىن تۋعىزدى، دەپ حابارلايدى "ادىرنا" پورتالى ۆۆس-گە سىلتەپ.
بيلىك مالىمەتىنشە، الەكس پرەتتي ميننەاپوليستە تۇرعان جانە جەرگىلىكتى ارداگەرلەر اۋرۋحاناسىندا مەدبيكە بولىپ جۇمىس ىستەگەن.
اقش-تىڭ ىشكى قاۋىپسىزدىك مينيسترلىگى (DHS) مارقۇمنىڭ جانىندا 9 ميلليمەترلىك جارتىلاي اۆتوماتتى تاپانشا بولعانىن جانە فەدەرالدىق اگەنتتەر ونى قارۋسىزداندىرۋعا ارەكەت جاساعان كەزدە قارسىلىق كورسەتكەنىن مالىمدەدى.
الايدا ميننەسوتا شتاتىنىڭ گۋبەرناتورى تيم ۋولز وقيعا ورنىنداعى بەينەجازبالار بۇل نۇسقانىڭ شىندىققا جاناسپايتىنىن كورسەتەتىنىن ايتتى.
ميننەاپوليس مەرى دجەيكوب فرەي ءباسپاسوز ءماسليحاتىندا زاڭسىز كوشى-قونعا قارسى وپەراتسيالاردى سىنعا الىپ، ولاردىڭ سالدارىنا الاڭداۋشىلىق ءبىلدىردى.
ءوز كەزەگىندە، ىشكى قاۋىپسىزدىك ءمينيسترى كريستي نوەم قالا جانە شتات باسشىلىعىن «زاڭ بۇزعانداردىڭ جاعىنا شىقتى» دەپ ايىپتادى. ال اقش پرەزيدەنتى دونالد ترامپ ميننەاپوليس پەن ميننەسوتا بيلىگىن «بۇلىككە يتەرمەلەۋ» دەپ باعالادى.
وقيعانىڭ بارلىق ءمان-جايى تەرگەلىپ جاتىر.
