"ادىرنا" ۇلتتىق پورتالى YouTube ارناسىنىڭ كەزەكتى قوناعى - اقىن سەرىكزات دۇيسەنعازى.
سۇحباتتا ول ادەبيەت، ايتىس، عىلىم جانە جەكە ءومىر تاقىرىپتارى كەڭىنەن قوزعادى. قوناق بالا كۇنىندە كورگەن تۇلعالار، ەرعازى جانە تۇرسىنعازى راحيموۆتار تۋرالى ەستەلىكتەرىمەن ءبولىسىپ، ولەڭ جازۋعا كەلۋ جولىن اڭگىمەلەدى. سونىمەن قاتار رينات زايىتوۆپەن بىرگە تۇرعان جىلدارى، اقىندىق پەن عىلىمدى قاتار الىپ ءجۇرۋ، اقىننىڭ ءۇنسىز قالۋى ءتيىس ساتتەر مەن ىشكى كۇيدى تانۋ جايى ءسوز بولدى.
اڭگىمە بارىسىندا قازىرگى جاستاردىڭ ءتىلى، اقىندار ءۇشىن ماڭىزدى قۇندىلىقتار، ساكەن سەيفۋلليننىڭ تۇلعاسى، ءجۇرسىن ەرماننىڭ ايتىسقا قوسقان ەڭبەگى جانە ايتىستى الەمدىك دەڭگەيگە شىعارۋ ماسەلەسى كوتەرىلدى. سونداي-اق كوماندالىق ايتىستىڭ بولاشاعى تالقىلاندى.
پودكاستىڭ ەڭ اسەرلى بولىگى – اقىننىڭ جەكە قاسىرەتى. ول ومىردەن وتكەن ۇلى ءاليحان تۋرالى، كەيىن دۇنيەگە كەلگەن ءالىمحان جايلى ايتىپ، قازاقتىڭ قازاعا قاتىستى داستۇرلەرى مەن تاعدىر تۋرالى ويلارىن ءبولىستى. سوڭىندا جاستارعا اقىل-كەڭەس بەرىپ، قازاق قوعامى ساق بولۋى ءتيىس ءۇش ماڭىزدى نارسەنى اتاپ ءوتتى.
