Soltüstık öŋırlerdı gazben qamtuǧa arnalǧan «Esıl – Astana» magistraldyq gaz qūbyryn 2030 jylǧy 1 qaŋtarda paidalanuǧa beru josparlanyp otyr. Būl turaly Reseidegı Qazaqstannyŋ Tötenşe jäne ökılettı elşısı Däuren Abaev «Komsomolskaia pravda» basylymyna bergen sūhbatynda mälımdedı, dep habarlaidy "Adyrna".
Jaŋa gaz qūbyryn salu jönındegı memorandumǧa «Gazprom» men Qazaqstan 2025 jylǧy qazanda qol qoiǧan. Resmi räsım XIV Peterburg halyqaralyq gaz forumynda ötken. Jobaǧa säikes, qūbyrdyŋ ötkızu quaty jylyna 10 mlrd tekşe metrdı, al kompressorlyq stansiialardyŋ quaty 50 MVt-ty qūraidy. Gaz Batys Sıbır ken oryndarynan jetkızıledı dep josparlanǧan.
Būǧan deiın gaz qūbyryn Reseiden Qazaqstannyŋ soltüstık-şyǧysy arqyly Qytaiǧa deiın tartu nūsqasy da qarastyrylǧan. Qazaqstan bilıgınıŋ mälımetınşe, būl joba boiynşa talqylau jalǧasuda. Alaida «Gazprom» men Qytaidyŋ CNPC kompaniiasy «Sıbır küşı – 2» jäne Moŋǧoliia arqyly ötetın tranzittık gaz qūbyryn salu turaly zaŋdy memorandumǧa qol qoiǧannan keiın, sarapşylar atalǧan baǧyttyŋ tiımdılıgıne kümän keltıre bastady.
