اقتوبە وبلىسىندا وگەي نەمەرەسىن زورلاعان زەينەتكەرگە سوت ۇكىمى شىقتى، دەپ حابارلايدى «ادىرنا» ءتىلشىسى.
64 جاستاعى ەر ادام قىلمىستىق كودەكستىڭ 120-بابىنىڭ 4-ءبولىمى («كامەلەتكە تولماعاندى زورلاۋ») جانە 124-بابىنىڭ 3-ءبولىمى («16 جاسقا تولماعان اداممەن جىنىستىق قاتىناسقا ءتۇسۋ») بويىنشا كىنالى دەپ تانىلدى.
«ك.-نى 120-باپتىڭ 4-ءبولىمى بويىنشا كىنالى دەپ تانىپ، 20 جىلعا باس بوستاندىعىنان ايىرۋعا، سونداي-اق 124-باپتىڭ 3-ءبولىمى بويىنشا كىنالى دەپ تانىپ، 12 جىلعا باس بوستاندىعىنان ايىرۋعا ۇكىم ەتەمىن. ەكى باپ بويىنشا قوسارلانعان جازا رەتىندە جالپى 21 جىل باس بوستاندىعىنان ايىرۋ تاعايىندالسىن»، — دەدى سوتيا التىنبەك سابىروۆ.
ءىس ماتەريالدارىنا سايكەس، 2025 جىلدىڭ كۇزىندە 14 جاستاعى مەكتەپ وقۋشىسى بالا تۋعان. بۇل وقيعا قوعامدا ۇلكەن رەزونانس تۋدىردى. قۇقىق قورعاۋ ورگاندارى كۇدىكتىنى سول جىلدىڭ قازان ايىندا ۇستادى.
