رەسەي مەن ۋكراينا اراسىنداعى كەلىسسوزدەر ابۋ-دابيدە جابىق رەجيمدە وتەدى. بۇل تۋرالى «ريا نوۆوستي» جازدى، دەپ حابارلايدى «ادىرنا» ءتىلشىسى.
كەزدەسۋگە جۋرناليستەر شاقىرىلماعان. دەرەككوزدىڭ ايتۋىنشا، كەلىسسوز اياقتالعاننان كەيىن ءباسپاسوز ءماسليحاتى جوسپارلانباعان. بۇعان دەيىن 23–24 قاڭتاردا ءباا-دە وتكەن كەلىسسوزدەر دە جابىق فورماتتا ۇيىمداستىرىلعان ەدى.
رەسەي مەن ۋكراينا اراسىنداعى اقش قاتىساتىن كەلىسسوزدەر 4–5 اقپاندا ابۋ-دابيدە وتەدى. نەگىزگى تاقىرىپتاردىڭ ءبىرى — اۋماقتىق ماسەلە.
العاشىندا ەكىنشى راۋند 1 اقپانعا جوسپارلانعان بولاتىن، بىراق رەسەي پرەزيدەنتىنىڭ ءباسپاسوز حاتشىسى دميتري پەسكوۆ ءۇش تاراپتىڭ كەستەسىن سايكەستەندىرۋ ءۇشىن قوسىمشا ۋاقىت قاجەت بولعانىن ءتۇسىندىردى.
تۇندە ابۋ-دابيگە رەسەي دەلەگاتسياسى كەلگەن. سونداي-اق اقش پرەزيدەنتىنىڭ ارنايى وكىلى ستيۆ ۋيتكوففتىڭ ۇشاعى دا ۇشىپ بارعان. 4 اقپاندا ءباا-گە ۋكراين دەلەگاتسياسى دا جەتتى.
Politico باسىلىمى ۋكراين جانە امەريكالىق شەنەۋنىكتەرگە سىلتەمە جاساپ، كەلىسسوزدەردىڭ ەكىنشى كەزەڭى كۇتكەننەن دە ناتيجەلى بولۋى مۇمكىن ەكەنىن جازدى.
