ءماجىلىس دەپۋتاتى، جۋرناليست ەرمۇرات باپي ءوزىنىڭ فەيك-اقپارات جاريالاعانىن جازدى، دەپ حابارلايدى "ادىرنا" ءتىلشىسى.
بۇۇ باس اسسامبلەياسى رەسەي فەدەراتسياسىن اگرەسسور ەل دەپ تانۋ تۋرالى رەزوليۋتسيا ۇسىنعان بولاتىن. بۇل تۋرالى بەلسەندى تەلەگرام ارناسى اقپارات جاريالادى. وسىعان قاتىستى جۋرناليست-دەپۋتات ءوزىنىڭ Facebook پاراقشاسىندا "قازاقستان رەسەيدى "اگرەسسور" دەپ تانىدى" دەگەن جازباسىن قالدىردى. ونىڭ بۇل حابارلاماسىنا كوپشىلىك سۋرەتتىڭ تاقىرىپقا سايكەس كەلمەيتىنىن ايتىپ، جالعان اقپارات دەپ سىنادى.
شامالى ۋاقىتتان سوڭ ەرمۇرات باپي اقپاراتتىڭ فەيك ەكەنىن مويىنداپ، جازباعا تۇزەتۋ ەنگىزدى. ونىڭ ايتۋىنشا، اتالمىش جازباداعى سۋرەت رەسەيدىڭ ۋكرايناعا اگرەسسيا تۋرالى ايتقانى تۋرالى اقپارات بولىپ شىققان.
جەلىدە داۋعا اينالا جازداعان وسى ماسەلەگە قاتىستى "ادىرنا" تىلشىسىنە بەرگەن جاۋابىندا ەرمۇرات باپي: "جازباعا تۇزەتۋ ەنگىزىپ قويدىم. جالعان اقپارات بولىپ شىقتى" دەپ قىسقا قايىردى.
ەسكە سالا كەتەيىك، بيىل داۋلى جاعدايدا دەپۋتات اتانعان ەرمۇرات باپي قازاق مەملەكەتتىك ۋنيۆەرسيتەتىن (قازىر ءال-فارابي اتىندا) «جۋرناليست» ماماندىعى بويىنشا تامامداعان. «سوتسياليستىك قازاقستان» - «ەگەمەن قازاقستان» گازەتىنىڭ اعا ءتىلشىسى، «دات» باسپا جوباسىنىڭ جەتەكشىسى، «سولدات» گازەتىنىڭ باس رەداكتورى، «تاسجارعان» تاۋەلسىز گازەتىنىڭ («جۇما-تايمس» جانە «اينا پليۋس») باس وقىرمانى، شتاتتان تىس جۋرناليست قىزمەتىن اتقارعان. “Dat - وبششەستۆەننايا پوزيتسيا” گازەتىن باسقارىپ ءجۇرىپ، سوڭعى ماجىلىسكە دەپۋتات بولعان.
"ادىرنا" ۇلتتىق پورتالى
