سوعىس بولىپ جاتقان ايماقتاردان رەسەيگە جەتكىزىلگەن ۋكراينالىق بالالارعا كومەك قولىن سوزىپ، جەتىم بالالاردى ءوز وتانىنا جەتكىزۋگە جاردەمدەسىپ جۇرگەن Save Ukraine (ۋكراينانى ساقتاۋ) قورىنىڭ وكىلى ۇستالدى، دەپ حابارلايدى "ادىرنا" ۇلتتىق پورتالى "ريا نوۆوستي"-گە سىلتەمە كورسەتە وتىرىپ.
قور وكىلدەرىنىڭ حابارلاۋىنشا، ۇستالعان ايەل Save Ukraine (ۋكراينانى ساقتاۋ) قورىنىڭ تاپسىرماسى بويىنشا رەسەيگە بارعان. ول ۋكراينالىق جەتىم بالالاردى شەتەلگە الىپ كەتۋدى كوزدەگەن.
قوردىڭ ۋكراينانىڭ قاۋىپسىزدىك كوميتەتىمەن بايلانىسى بارى دا ايتىلدى
ورايى كەلگەندە ايتا كەتەيىك، Save Ukraine قورى سوعىس باستالعالى بەرى رەسەيگە اپارىلعان بالالاردى ۋكرايناعا كەرى قايتارۋمەن اينالىسادى. قايىرىمدىلىق ۇيىمىنىڭ اتقارۋشى ديرەكتورى نيكولاي كۋلەبانىڭ ايتۋىنشا، رەسەيگە اپارىلعان بالالاردىڭ اتا-انالارى پەرزەنتتەرىمەن قاۋىشا الماي، قيىندىقتارعا تاپ بولعان. ولار رەسەي فەدەرالدى قاۋىپسىزدىك قىزمەتىنىڭ سانسىز سۇراقتارىنا جاۋاپ بەرىپ، ساعاتتاعان تەكسەرىسىنەن وتۋگە ءماجبۇر بولعان.
"ادىرنا" ۇلتتىق پورتالى
