Qazaqstan men Qyrǧyzstan şekarasynda jük kölıkterınıŋ kezegı ūzardy, dep habarlaidy "Adyrna" ūlttyq portaly.
Euraziialyq ekonomikalyq komissiia mälımetınşe, Qazaqstan tarapy şekaradan ötu uaqytyn ūzartqan şaralardy zaŋsyz tauar tasymalyna qarsy baǧyttalǧan josparly tekserıster dep tüsındırdı. Būl tekserıster ūlttyq qauıpsızdıktı qamtamasyz etu jäne tärtıp ornatu maqsatynda jürgızılıp jatyr.
Astana Qyrǧyzstanmen tatu körşılık qarym-qatynasty joǧary baǧalaitynyn jäne zaŋsyz saudaǧa qarsy bırlesıp küresuge daiyn ekenın aitty. Komissiia şekaralyq baqylau är memlekettıŋ öz qūzyretınde ekenın eske salyp, būl jaǧdai Euraziialyq ekonomikalyq odaqtaǧy (EAEO) integrasiialyq üderısterge äser etpeitının jetkızdı.
EAEO aiasynda özara saudada kedendık baqylau tek erekşe jaǧdailarda ǧana jürgızıledı. Köleŋkelı tauar ainalymymen küres basty baǧyt bolyp, tauarlardy taŋbalau men qadaǧalau jüielerı engızılıp, kedendık baqylau küşeitılgen.
