قازنەتتە بالاسىن اياۋسىز ۇرىپ-سوققان تاعى ءبىر ايەلدىڭ ۆيدەوسى تارادى، دەپ حابارلايدى «ادىرنا» ءتىلشىسى.
وقيعا تاراز قالاسىندا بولعان. ايەل ءوزىنىڭ ۇرعانىمەن قويماي، ۇلكەن قىزىن دا بالانى ۇرۋعا ماجبۇرلەگەن. بولعان جايتتىڭ ءبارىن ءوزى تەلەفونعا ءتۇسىرىپ العان. ايتىلعان سوزدەرگە قاراعاندا، بۇل ارەكەت بالانىڭ اكەسىنەن كەك الۋ ماقساتىندا جاسالعان.
جامبىل وبلىسىنىڭ پوليتسيا دەپارتامەنتى كامەلەتكە تولماعاندى تاربيەلەۋ مىندەتتەرىن ورىنداماۋ جانە قاتىگەزدىكپەن قاراۋ دەرەگى بويىنشا قىلمىستىق كودەكستىڭ 140-بابىنىڭ 2-بولىگىمەن سوتقا دەيىنگى تەرگەۋ باستاعان.
«بالا دارىگەرلەردىڭ قاراۋىنان ءوتتى، سوت-مەديتسينالىق ساراپتاما تاعايىندالدى. ايەل تەرگەۋ ارەكەتتەرىن جۇرگىزۋ ءۇشىن پوليتسيا بولىمىنە جەتكىزىلدى. ساراپتامالار مەن تەرگەۋ شارالارىنىڭ قورىتىندىسى بويىنشا پروتسەسسۋالدىق شەشىم قابىلدانادى»، — دەپ مالىمدەدى دەپارتامەنت وكىلدەرى.
