قىزمەتتىك بورىشىن وتەۋ كەزىندە قازا تاپقان فەلدشەر، مارقۇم ۇلدانا مىرزۋان تۋعان ۇيگە ەسكەرتكىش تاقتا ورناتىلدى، دەپ حابارلايدى "ادىرنا".
قوسشى اكىمدىگىنىڭ مالىمەتىنشە، 31 قاڭتار – ۇلدانا مىرزۋاننىڭ تۋعان كۇنى.
مارقۇمنىڭ تۋعان كۇنىندە ول تۇرعان ءۇيدىڭ اۋلاسىنا جينالعان قاۋىم فەلدشەردىڭ جارقىن بەينەسىن، ەل ەسىندە قالعان ەڭبەگىن جانە ادامدىق اسىل قاسيەتتەرىن تاعى ءبىر مارتە ەسكە الدى.
قوسشى قالاسىندا فەلدشەر تۇرعان ءۇيدىڭ قابىرعاسىنا ەسكەرتكىش تاقتا ورناتىلدى.
قالا اكىمدىگىنىڭ مالىمەتىنشە، ۇلدانا قالدارحانقىزى قىسقا عۇمىرىندا كاسىبىنە ادالدىقتىڭ، ادام ءومىرى ءۇشىن كۇرەستەگى باتىلدىق پەن جانقيارلىقتىڭ ۇلگىسىن كورسەتتى. ونىڭ ەرلىگى – كەيىنگى ۇرپاققا ونەگە.
"ورناتىلعان ەسكەرتكىش تاقتا – وتكەنگە تاعزىم مەن ەرلىككە قۇرمەتتىڭ بەلگىسى. بۇل ەلگە ادال قىزمەت ەتكەن ازاماتتاردىڭ ەسىمى ۇمىتىلمايتىنىن كورسەتەتىن تاعىلىمدى قادام", – دەلىنگەن اكىمدىك حابارلاماسىندا.
