ازەربايجاندا بىلتىر اقتاۋ ماڭىندا اپاتقا ۇشىراعان AZAL ۇشاعىنىڭ قۇرباندارىنا ارنالعان ەسكەرتكىش ورناتىلدى، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
اقپاراتقا سايكەس، «حىنالىگ جانە كوشپەندىلەر جولى» مەملەكەتتىك تاريحي-مادەني جانە ەتنوگرافيالىق قورىعىنىڭ اۋماعىندا ۇشاق اپاتى قۇرباندارىنا ارنالعان مەموريالدىق تاقتا ورناتىلدى. تاقتادا ەكيپاج مۇشەلەرىنىڭ ەسىمدەرى — يگور كشنياكين، الەكساندر كاليانينوۆ جانە وكيۋما اليەۆا، سونداي-اق قازا بولعانداردى ەسكە الۋ جازباسى بار. ازەربايجاندىق الپينيستەر تاقتانى ورناتۋعا اتسالىسقان.
ەسكە سالايىق، 2024 جىلى 25 جەلتوقساندا اقتاۋ ماڭىندا Azerbaijan Airlines ۇشاعى اپاتقا ۇشىرادى. بورتتا 67 ادام، ونىڭ ىشىندە بەس ەكيپاج مۇشەسى بولعان. اپات سالدارىنان 38 جولاۋشى قازا تاۋىپ، 29 ادام امان قالدى.
كەيىن برازيليا اسكەري-اۋە كۇشتەرىنىڭ اۋە اپاتتارىن زەرتتەۋ ورتالىعىنىڭ (Cenipa) ماماندارى AZAL اۋە كومپانياسىنىڭ اپاتقا ۇشىراعان Embraer 190 ۇشاعىنىڭ قارا جاشىگىن تالداۋعا كىرىسكەنىن حابارلاعان بولاتىن.
بيىل 4 اقپاندا اقتاۋ ماڭىنداعى ۇشاق اپاتى بويىنشا تەرگەۋدىڭ ەسەبى جاريالاندى.
