اقش-تا بولعان قارلى بوراننىڭ سالدارىنان قازا تاپقاندار سانى 85 ادامعا دەيىن جەتتى. بۇل تۋرالى Associated Press (AP) جاريالادى، دەپ حابارلايدى "ادىرنا".
اگەنتتىك دەرەگىنە سايكەس، تەحاستان نيۋ-دجەرسيگە دەيىنگى اۋماقتاردا قاتتى اياز بەن بوراننان كەمىندە 85 ادام كوز جۇمعان. قازا بولعانداردىڭ شامامەن جارتىسى تەننەسسي، ميسسيسيپي جانە لۋيزيانا شتاتتارىنا تيەسىلى.
مالىمەتكە قاراعاندا، ءولىم جاعدايلارىنىڭ ءبىر بولىگى:
-
ءۇسىپ كەتۋمەن;
-
قار تازالايتىن تەحنيكامەن بولعان اپاتتارمەن;
-
سونداي-اق ءيىس گازىنان (كومىرتەك توتىعى) ۋلانۋمەن بايلانىستى.
National Weather Service اركتيكالىق اۋا ماسساسىنىڭ وڭتۇستىك-شىعىسقا قاراي جىلجۋى ونسىز دا تومەن تەمپەراتۋرانى ودان ءارى كۇرت تۇسىرەتىنىن ەسكەرتتى. جۇما كەشىندە كەي قالالاردا، سونىڭ ىشىندە نەشۆيللدە، اۋا تەمپەراتۋراسى −10°C-قا دەيىن تومەندەۋى مۇمكىن.
قۋاتتى داۋىلدان كەيىن ءبىر اپتاعا جۋىق ۋاقىت وتسە دە، نەشۆيلل قالاسىندا 79 مىڭنان استام ءۇي مەن كاسىپورىن ءالى كۇنگە دەيىن ەلەكتر جارىعىنسىز وتىر.
