АҚШ-та болған қарлы боранның салдарынан қаза тапқандар саны 85 адамға дейін жетті. Бұл туралы Associated Press (AP) жариялады, деп хабарлайды "Адырна".
Агенттік дерегіне сәйкес, Техастан Нью-Джерсиге дейінгі аумақтарда қатты аяз бен бораннан кемінде 85 адам көз жұмған. Қаза болғандардың шамамен жартысы Теннесси, Миссисипи және Луизиана штаттарына тиесілі.
Мәліметке қарағанда, өлім жағдайларының бір бөлігі:
-
үсіп кетумен;
-
қар тазалайтын техникамен болған апаттармен;
-
сондай-ақ иіс газынан (көміртек тотығы) уланумен байланысты.
National Weather Service арктикалық ауа массасының оңтүстік-шығысқа қарай жылжуы онсыз да төмен температураны одан әрі күрт түсіретінін ескертті. Жұма кешінде кей қалаларда, соның ішінде Нэшвиллде, ауа температурасы −10°C-қа дейін төмендеуі мүмкін.
Қуатты дауылдан кейін бір аптаға жуық уақыт өтсе де, Нэшвилл қаласында 79 мыңнан астам үй мен кәсіпорын әлі күнге дейін электр жарығынсыз отыр.
