ساياسي شولۋشى عازيز ابىشەۆ قازاقستاندا كونستيتۋتسيا كۇنىنە قاتىستى داتا وزگەرۋى مۇمكىن ەكەنىن ايتتى، دەپ حابارلايدى “ادىرنا” ۇلتتىق پورتالى Tengrinews-كە سىلتەپ.
ول بۇل تۋرالى Telegram-ارناسىندا جازدى.
ساياساتتانۋشىنىڭ ايتۋىنشا، كونستيتۋتسيالىق كوميسسيانىڭ كەيبىر مۇشەلەرى نەگىزگى زاڭعا ەنگىزىلەتىن وزگەرىستەردىڭ اۋقىمىن ەسكەرە وتىرىپ، جاڭا كونستيتۋتسيا قابىلداۋ ماسەلەسىن قاراستىرۋدى ۇسىنعان. بۇل جاعدايدا رەفەرەندۋم وتەتىن كۇنگە بايلانىستى جاڭا كونستيتۋتسيا كۇنى بەلگىلەنۋى مۇمكىن.
قازىر قازاقستاندا كونستيتۋتسيا كۇنى 30 تامىزدا اتاپ وتىلەدى. بۇل كۇنى 1995 جىلى رەسپۋبليكالىق رەفەرەندۋم ارقىلى قولدانىستاعى كونستيتۋتسيا قابىلدانعان.
ۇقساس جاڭالىقتار
