رەسپۋبليكالىق ادۆوكاتتار القاسىنىڭ توراعاسى مادي مىرزاعاراەۆ قازاقستاندا جاڭا كونستيتۋتسيا قابىلداۋ مۇمكىندىگىن قاراستىرۋدى ۇسىندى، دەپ حابارلايدى "ادىرنا" ۇلتتىق پورتالى.
بۇل تۋرالى كونستيتۋتسيالىق كوميسسيانىڭ بەسىنشى وتىرىسىندا ءسوز بولدى.
سپيكەر مىرزاعاراەۆ سوڭعى ەكى كۇندە ۇسىنىلىپ وتىرعان وزگەرىستەر جان-جاقتى ءارى مۇقيات تالدانعانىن ايتتى.
"كەشە جوبا نۇسقاسىنىڭ الدىن الا ءماتىنى ۇسىنىلدى. مەن ەنگىزىلەتىن وزگەرىستەردى ەگجەي-تەگجەيلى زەرتتەدىم. ولاردىڭ ىشىندە كونستيتۋتسيانىڭ مازمۇندىق تۇجىرىمداماسىن وزگەرتۋگە باعىتتالعان كوپتەگەن ماڭىزدى جاڭاشىلدىقتار بار", — دەدى ول وتكەن وتىرىستا.
ونىڭ ايتۋىنشا، بۇل وزگەرىستەر قوعامنىڭ بۇگىنگى سۇرانىسىنا جانە ۋاقىت تالابىنا تولىق سايكەس كەلەدى. وسىعان بايلانىستى ول كونستيتۋتسيالىق كوميسسيا اياسىندا جاڭا كونستيتۋتسيا قابىلداۋ ماسەلەسىن قاراستىرۋدى ورىندى دەپ سانايدى.
ءمادي مىرزاعاراەۆتىڭ ۇسىنىسىن كونستيتۋتسيالىق كوميسسيانىڭ وزگە مۇشەلەرى دە قولدادى. ءماجىلىس توراعاسىنىڭ ورىنباسارى دانيا ەسپاەۆا قازىرگى تالقىلاۋلار قولدانىستاعى كونستيتۋتسياعا جاي عانا تۇزەتۋ ەنگىزۋ شەڭبەرىنەن الدەقايدا اسىپ كەتكەنىن اتاپ ءوتتى.
"بۇگىندە ءبىز كونستيتۋتسيانىڭ جەكەلەگەن باپتارىن تۇزەتۋمەن شەكتەلمەي، مەملەكەتتىڭ بۇكىل باسقارۋ ارحيتەكتۋراسىن، قۇقىقتار مەن بوستاندىقتارعا كەپىلدىكتەر جۇيەسىن، بيلىك پەن قوعام اراسىنداعى ءوزارا ءىس-قيمىل تەتىكتەرىن قايتا قاراۋ مىندەتىمەن بەتپە-بەت كەلىپ وتىرمىز", — دەدى ول.
ەسپاەۆانىڭ سوزىنشە، مۇنداي اۋقىمدى ءارى كەشەندى وزگەرىستەر كونستيتۋتسيانىڭ جاڭا ءماتىنىن قابىلداۋ قاجەتتىلىگىن العا تارتادى.
ءماجىلىس دەپۋتاتى ايدوس سارىم دا بۇل پىكىرمەن تولىق كەلىسەتىنىن جەتكىزدى. ونىڭ ايتۋىنشا، ۇسىنىلعان وزگەرىستەر كونستيتۋتسيانىڭ 77 بابىن قامتىپ وتىر، بۇل نەگىزگى زاڭنىڭ 80 پايىزىنان استامىن قۇرايدى.
