Respublikalyq advokattar alqasynyŋ töraǧasy Madi Myrzaǧaraev Qazaqstanda jaŋa Konstitusiia qabyldau mümkındıgın qarastyrudy ūsyndy, dep habarlaidy "Adyrna" ūlttyq portaly.
Būl turaly Konstitusiialyq komissiianyŋ besınşı otyrysynda söz boldy.
Spiker Myrzaǧaraev soŋǧy ekı künde ūsynylyp otyrǧan özgerıster jan-jaqty ärı mūqiiat taldanǧanyn aitty.
"Keşe joba nūsqasynyŋ aldyn ala mätını ūsynyldy. Men engızıletın özgerısterdı egjei-tegjeilı zerttedım. Olardyŋ ışınde Konstitusiianyŋ mazmūndyq tūjyrymdamasyn özgertuge baǧyttalǧan köptegen maŋyzdy jaŋaşyldyqtar bar", — dedı ol ötken otyrysta.
Onyŋ aituynşa, būl özgerıster qoǧamnyŋ bügıngı sūranysyna jäne uaqyt talabyna tolyq säikes keledı. Osyǧan bailanysty ol Konstitusiialyq komissiia aiasynda jaŋa Konstitusiia qabyldau mäselesın qarastyrudy oryndy dep sanaidy.
Mädi Myrzaǧaraevtyŋ ūsynysyn Konstitusiialyq komissiianyŋ özge müşelerı de qoldady. Mäjılıs töraǧasynyŋ orynbasary Daniia Espaeva qazırgı talqylaular qoldanystaǧy Konstitusiiaǧa jai ǧana tüzetu engızu şeŋberınen äldeqaida asyp ketkenın atap öttı.
"Bügınde bız Konstitusiianyŋ jekelegen baptaryn tüzetumen şektelmei, memlekettıŋ bükıl basqaru arhitekturasyn, qūqyqtar men bostandyqtarǧa kepıldıkter jüiesın, bilık pen qoǧam arasyndaǧy özara ıs-qimyl tetıkterın qaita qarau mındetımen betpe-bet kelıp otyrmyz", — dedı ol.
Espaevanyŋ sözınşe, mūndai auqymdy ärı keşendı özgerıster Konstitusiianyŋ jaŋa mätının qabyldau qajettılıgın alǧa tartady.
Mäjılıs deputaty Aidos Sarym da būl pıkırmen tolyq kelısetının jetkızdı. Onyŋ aituynşa, ūsynylǧan özgerıster Konstitusiianyŋ 77 babyn qamtyp otyr, būl Negızgı zaŋnyŋ 80 paiyzynan astamyn qūraidy.
