ششۋچينسك قالاسىنداعى شوقان ءۋاليحانوۆ اتىنداعى اسكەري كوللەدجدە ءبىلىم الۋشىلار اراسىندا قىزىلشا اۋرۋى انىقتالدى، دەپ حابارلايدى "ادىرنا" ۇلتتىق پورتالى.
بۇل تۋرالى كوللەدجدىڭ ءباسپاسوز قىزمەتى حابارلادى.
كادەتتەر كانيكۋلدان ورالعاننان كەيىن كەيبىرىندە جۇقپالى اۋرۋ بەلگىلەرى بايقالعان. كوللەدج ماماندارى ينفەكتسيا سىرتتان اكەلىنگەن بولۋى مۇمكىن دەپ وتىر.
قازىرگى ۋاقىتتا 66 كادەت مەديتسينالىق باقىلاۋدا، ونىڭ ىشىندە ەكى ناۋقاستا اۋرۋ اسقىنۋمەن وتۋدە. بارلىعى مامانداندىرىلعان كومەك الىپ جاتىر، جاعدايلارى تۇراقتى، وڭ ديناميكا بايقالادى.
بايلانىستا بولعان ادامدار انىقتالىپ، وقشاۋلانعان. ينفەكتسيانىڭ ودان ءارى تارالۋىن بولدىرماۋ ماقساتىندا كوللەدجدە كارانتين ەنگىزىلدى. سونىمەن قاتار مەديتسينالىق جانە سانيتاريالىق باقىلاۋ كۇشەيتىلىپ، جەكە قۇرامنىڭ دەنساۋلىعى تۇراقتى مونيتورينگتە.
جاعداي قورعانىس مينيسترلىگى مەن دەنساۋلىق ساقتاۋ ورگاندارىنىڭ تۇراقتى باقىلاۋىندا.
