الماتىداعى «شىمبۇلاق» تاۋ شاڭعىسى كۋرورتىندا ءوتىپ جاتقان فريستايل-موگۋلدان الەم كۋبوگىنىڭ كەزەڭىندە قازاقستاندىق سپورتشى اناستاسيا گورودكو قولا مەدال جەڭىپ الدى، دەپ حابارلايدى “ادىرنا” ۇلتتىق پورتالى.
اناستاسيا گورودكو كىشى فينالدا كەشە جەكەلەي سىندا توپ جارعان امەريكالىق تەسس دجونسوننان باسىم ءتۇستى جانە جارىستىڭ ۇزدىك ۇشتىگىنە ەندى.
سۋپەرفينالدا بەيجىڭ وليمپياداسىنىڭ كۇمىس جۇلدەگەرى، الەم چەمپيوناتىنىڭ ءۇش دۇركىن كۇمىس جۇلدەگەرى دجەلين كاۋف (اقش) پەن رينو ياناگيموتو (جاپونيا) كەزدەسىپ، جەڭىس امەريكالىق سپورتشىعا بۇيىردى.
تاعى ءبىر وتانداسىمىز، پحيونچحان وليمپياداسىنىڭ قولا جۇلدەگەرى يۋليا گالىشەۆا جارىستى شيرەك فينالدا اياقتاپ، اناستاسيا گورودكوعا جول بەردى.
ەرلەر اراسىندا پحيونچحان وليمپياداسىنىڭ چەمپيونى، بىرنەشە دۇركىن الەم چەمپيونى ميكاەل كينگسبەري (كانادا) التىن مەدال يەلەندى. يكۋما حوريشيما (جاپونيا) كۇمىس، مەتت گراحام (اۋستراليا) قولا جۇلدە ەنشىلەدى.
الەم كۋبوگى جارىستارى فريستايل-اكروباتيكا سايىسىمەن جالعاسادى.
