وليمپيادا چەمپيونى، قاراعاندى وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى سەرىك ساپيەۆ ءوز ورىنباسارىمەن بولعان وقيعاعا قاتىستى العاش رەت پىكىر ءبىلدىردى، دەپ حابارلايدى "ادىرنا".
ول الەۋمەتتىك جەلىلەر مەن بۇقارالىق اقپارات قۇرالدارىندا تاراپ جاتقان جاعدايعا بايلانىستى تۇسىنىكتەمە بەرىپ، مەملەكەتتىك قىزمەتشى رەتىندە ادەپ قاعيداتتارىن قاتاڭ ساقتايتىنىن اتاپ ءوتتى.
«بالا كەزىمنەن باپكەرلەرىم ماعان رينگتەن تىس جەردە كۇش قولدانۋعا بولمايتىنىن ۇيرەتتى. ءوز مۇمكىندىگىمدى جاقسى باعالايمىن جانە ءاربىر ءىس-ارەكەتىم ءۇشىن جاۋاپكەرشىلىك ارقالايتىنىمدى تولىق تۇسىنەمىن»، – دەپ جازدى ول.
وليمپيادا چەمپيونى قانداي دا ءبىر ارانداتۋشىلىقتارعا ەرمەيتىنىن ايتتى.
سونداي-اق، سەرىك ساپيەۆ بۇل ماسەلەنىڭ جان-جاقتى قارالىپ، جابىق دەپ ەسەپتەلەتىنىن مالىمدەدى.
ايتا كەتەيىك، جەلىدە سەرىك ساپيەۆتى ۇرىپ تاستادى دەگەن اقپارات تاراعان ەدى. الايدا كەيىننەن الەۋمەتتىك جەلىدە سەرىك ساپيەۆتىڭ تاياق جەمەگەنى تەك ورىنباسارىمەن كەلىسپەي قالعانى تۋرالى ۆيدەو تارادى.
بەينەدە ەكەۋىنىڭ جانجالداسقانى بەينەلەنگەن، الايدا دەنە جاراقاتىن سالاتىن توبەلەس بايقالمايدى.
