Olimpiada chempiony, Qaraǧandy oblysynyŋ dene şynyqtyru jäne sport basqarmasynyŋ basşysy Serık Säpiev öz orynbasarymen bolǧan oqiǧaǧa qatysty alǧaş ret pıkır bıldırdı, dep habarlaidy "Adyrna".
Ol äleumettık jelıler men būqaralyq aqparat qūraldarynda tarap jatqan jaǧdaiǧa bailanysty tüsınıkteme berıp, memlekettık qyzmetşı retınde ädep qaǧidattaryn qataŋ saqtaitynyn atap öttı.
«Bala kezımnen bapkerlerım maǧan ringten tys jerde küş qoldanuǧa bolmaitynyn üirettı. Öz mümkındıgımdı jaqsy baǧalaimyn jäne ärbır ıs-äreketım üşın jauapkerşılık arqalaitynymdy tolyq tüsınemın», – dep jazdy ol.
Olimpiada chempiony qandai da bır arandatuşylyqtarǧa ermeitının aitty.
Sondai-aq, Serık Säpiev būl mäselenıŋ jan-jaqty qaralyp, jabyq dep esepteletının mälımdedı.
Aita keteiık, jelıde Serık Säpievtı ūryp tastady degen aqparat taraǧan edı. Alaida keiınnen äleumettık jelıde Serık Säpievtıŋ taiaq jemegenı tek orynbasarymen kelıspei qalǧany turaly video tarady.
Beinede ekeuınıŋ janjaldasqany beinelengen, alaida dene jaraqatyn salatyn töbeles baiqalmaidy.
