پرەمەر-مينيستر ولجاس بەكتەنوۆ پرەزيدەنتتىڭ حالىققا جولداۋىندا جانە ۇلتتىق قۇرىلتايدا العا قويعان مىندەتتەرى اياسىندا ەلەكتروندى قارجى ورتالىعىنىڭ (ەقو) تسيفرلىق ينفراقۇرىلىمىمەن جانە حالىق پەن بيزنەسكە سالىق رەفورماسى تۋرالى جۇرگىزىلىپ جاتقان ءتۇسىندىرۋ جۇمىستارىمەن تانىستى.
وندا بىرىڭعاي بايلانىس ورتالىعىنىڭ جۇمىسى كورسەتىلدى. سالىق تولەۋشىلەرگە كەڭەس بەرۋ ءۇش دەڭگەيلى جۇيە ارقىلى جۇزەگە اسىرىلادى: باستاپقى ءتۇسىندىرۋ، قولداۋ كورسەتۋ جانە اقپاراتتىق جۇيەلەرگە وزگەرىستەر ەنگىزۋ. بيىلعى قاڭتار ايىنىڭ باسىنان بەرى 1414 بايلانىس جەلىسىنە، مەسسەندجەرلەر جانە جي-مەن جۇمىس ىستەيتىن چات-بوتتارعا تەلەفون قوڭىراۋلارى ارقىلى 135,5 مىڭعا جۋىق ءوتىنىش كەلىپ ءتۇستى.
كۇن سايىن وپەراتورلار ورتا ەسەپپەن 13-14 مىڭ ءوتىنىش قابىلدايدى. ولاردىڭ 7 مىڭعا جۋىعى سالىق رەفورماسى، الەۋمەتتىك تولەمدەر جانە تاعى دا باسقا ماسەلەلەرگە قاتىستى سۇراقتار. قاجەت بولعان جاعدايدا ازاماتتار مەن بيزنەستىڭ قوڭىراۋلارى مەن حابارلامالارى جۇيەلىك شەشىمدەردى تالداۋ جانە قابىلداۋ ءۇشىن ءتيىستى بولىمشەلەرگە جىبەرىلەدى.
مەملەكەت باسشىسى ۇلتتىق قۇرىلتايدا سويلەگەن سوزىندە اتاپ وتكەندەي، ءبىزدىڭ مىندەتىمىز – سالىق كودەكسىنىڭ جاڭا نورمالارىن ەنگىزە وتىرىپ، "فيسكالدىق ءترانزيتتى" بىركەلكى، ءارى جانجالسىز وتكىزۋ. حالىقپەن جانە بيزنەسپەن ءوزارا ءىس-قيمىلدىڭ ءتيىمدى جۇيەسىن قۇرۋ.
ءبىز ءادىل دە ءتيىمدى سالىق جۇيەسىن ورناتامىز، وسى رەتتە بىرتىندەپ سالىق تولەۋ مادەنيەتىن قالىپتاستىرۋعا بەت بۇرىپ كەلەمىز. سالىق تولەۋ ارقىلى تۋعان ولكەنىڭ دامۋىنا ۇلەس قوسۋعا بولادى دەگەن سانالى ءتاسىلدى ىنتالاندىرۋ ماڭىزدى. پرەزيدەنت تە ءپاتريوتيزمنىڭ وسى ءتۇرى تۋرالى ايتىپ وتىر. بۇگىن ءبىز بيزنەستىڭ ءادىل قازاقستان قاعيداتتارىنا بىرتىندەپ بەيىمدەلىپ كەلە جاتقانىن كورىپ وتىرمىز. 2025 جىلى بيزنەس سۋبەكتىلەرى ءوز بەتىنشە 750 ملرد تەڭگەدەن استام سالىق تولەدى💬, — دەپ اتاپ ءوتتى ولجاس بەكتەنوۆ.
پرەمەر-مينيستر سالىق رەفورماسى بارلىق وزگەدە جاڭاشىلدىقتار سياقتى قيىندىقتار مەن جاڭا سىن-قاتەرلەرگە تولى اتاپ ءوتتى. سوعان قاراماستان، قازاقستاندا ىسكەرلىك بەلسەندىلىك ارتۋدا. قارجى مينيسترلىگىنىڭ دەرەكتەرى بويىنشا 2025 جىلى ەلدە 480 مىڭ جاڭا زاڭدى تۇلعا تىركەلگەن. وسى جىلدىڭ العاشقى 20 كۇنىندە – تاعى 22 مىڭ سۋبەكت، بۇل بيزنەستىڭ جاپپاي جابىلۋى تۋرالى بولجامداردىڭ تەرىس ەكەنىن كورسەتەدى. الايدا بيزنەستىڭ قىزمەتىنە ناقتى كەدەرگى كەلتىرەتىن نورمالاردى انىقتاعان كەزدە ولاردى قورىتىپ، تۇزەتۋ بويىنشا ۇسىنىستار ەنگىزۋ كەرەك.
سالىقتىق اكىمشىلەندىرۋدى وڭايلاتۋ جانە بيۋروكراتيالىق راسىمدەردى تومەندەتۋ بويىنشا ەلىمىزدە جۇرگىزىلىپ جاتقان رەفورمالاردى حالىققا قولجەتىمدى جانە ساپالى تۇسىندىرۋگە باسا نازار اۋدارىلدى.
ەقج ازاماتتاردىڭ، بيزنەستىڭ جانە مەملەكەتتىك ورگانداردىڭ ءوزارا ءىس-قيمىلىنىڭ نەگىزگى سەرۆيستىك قۇرالى بولىپ سانالادى. قارجى مينيسترلىگىنىڭ تسيفرلىق ينفراقۇرىلىمىنىڭ نەگىزگى وبەكتىسى سالىق تولەۋشىلەرگە كونسۋلتاتسيالىق قىزمەتتەردى، اقپاراتتىق جۇيەلەردى تەحنيكالىق سۇيەمەلدەۋدى جانە اكىمشىلەندىرۋدى قامتاماسىز ەتەدى. بولىمشەلەر بارلىق قىزمەتتى ءبىر الاڭعا شوعىرلاندىرعان جاڭا عيماراتقا ورنالاستىرىلدى، بۇل ءوز كەزەگىندە اقپاراتتىق قاۋىپسىزدىك دەڭگەيىن ارتتىردى.
كەڭەس بەرۋدەن بولەك، ەقو ماماندارى فيسكالدىق جانە بيۋدجەتتىك ساياساتقا جاۋاپتى 21 اقپاراتتىق جۇيەنىڭ ۇزدىكسىز جۇمىس ىستەۋىن قامتاماسىز ەتەدى. سونىمەن قاتار ورتالىق بيۋدجەتتىك پروتسەسس ينتەگراتورىن سۇيەمەلدەۋ، مەملەكەتتىك ساتىپ الۋلار پورتالىنا وپەراتورلىق جانە سەرۆيستىك قولداۋ كورسەتۋ جانە ت. ب. باعىتتار بويىنشا مەملەكەتتىك وپەراتور قىزمەتىن اتقارادى.
پرەمەر-مينيستر نىساندى ارالاۋ قورىتىندىسى بويىنشا قارجى مينيسترلىگىنە ەلەكتروندىق قارجى ورتالىعىن ودان ءارى تەحنولوگيالىق جاڭعىرتۋ جانە ازاماتتاردىڭ وتىنىشتەرىن بارلىق بايلانىس ارنالارى ارقىلى وڭدەۋ قۋاتتىلىقتارىن ارتتىرۋ ءۇشىن قاجەتتى بارلىق جاعدايدى قامتاماسىز ەتۋدى تاپسىردى.
